PAMUNGKAAN 3:20 - BIBEL JAMITA NA DENGGAN

²⁰ Digoari si Adam ma dadaborunia i si Hawa, angke dadaboru i ma na gabe ina ni sude jolma manusia.

PAMUNGKAAN 3:20 ပူးပေါင်းရင်းမြစ်များ

PAMUNGKAAN 16:11

Tubuhononmu ma sada anak halaklahi jana goaronmu ma ia si Ismael, angke madung ditangihon Tuhan andung-andungmi.

PAMUNGKAAN 2:20

Songon i ma digoari jolma i angka unggas dohot angka binatang sudena; tapi sada pe nada adong sian i na tumbuk mangurupi jolma i.

PAMUNGKAAN 2:23

gabe ninna jolma i ma, “On ma da ibana na sahorong dohot au – holi-holi sian holi-holingku, jana sibuk sian sibukku. ‘Dadaboru’ do goarna, angke na nibuat sian halaklahi do ia.”

PAMUNGKAAN 3:21

Jadi dipauli Tuhan ma sian bobak ni binatang pakean di si Adam dohot dadaborunia i, lalu di papakehon Ia ma tu halahi.

PAMUNGKAAN 35:18

Tapi donok ma anso marujung ngolu ni si Rahel, jana di na laho tos hosania, dibaen ia ma goar ni anaknia i si Ben-Oni, tapi dibaen amangnia i ma goarna si Benyamin.

PAMUNGKAAN 5:29

Didok si Lamekh ma, “Dakdanak on ma na paluahon hita sian karejonta na dokdok on, i ma na manjama tano na dung niburaan ni Tuhan.” Hara ni i, digoari si Lamekh ma goar ni dakdanak i si Noak.

HARURUAR 2:10

Dung tuk godang ni dakdanak i, dilehen inangna i ma dakdanak i tu boru ni raja i. Gabe dibaen boru ni raja i ma dakdanak i anak angkatnia. “Hubaen ma goarnia si Musa, angke na hubuat sian aek do ia antong,” ninna boru ni raja i di bagasan rohana.

MATEUS 1:21

Sorang ma sian ia sada anak halaklahi, angkon Jesus do baenonmu goar ni Dakdanak i. Harana, giot paluaonNia ma bangsoNa sian angka dosa ni halahi be.”

MATEUS 1:23

“Denggan ma pamatang ni sada bujing-bujing, sorang ma sian ia sada anak halaklahi. Digoari ma Dakdanak i Immanuel.” (Di hata Ibrani, Immanuel astuanna “Debata do rap dohot hita”.)

BAENON NI ANGKA RASUL 17:26

Sian sada jolma dibaen Ia ma sude bangso jana disuru Ia halahi mangingani tano on sudena. Laing marguru diSia do sian mulana laho manontuhon sanga andigan hatihana jana olat ni dia batasna halahi tola mangolu.

2 KORINTUS 11:3

Tapi songon na ganggu do rohangku, betak na hona goda do hamu jana nada setia be hamu tu Kristus, sarupa dohot si Hawa narobi na hona goda dibaen habisuhon ni ulok i.

1 TIMOTEUS 2:13

Angke si Adam do parjolo ditompa, dung i pe anso si Hawa.

1 SAMUEL 1:20

Denggan ma pamatang ni Hanna jana sorang ma anakna halaklahi. Dibaen ia ma goarna si Samuel, angke didok ia, “Na hupangido do ia sian Tuhan.”