PAMUNGKAAN 3:19 - BIBEL JAMITA NA DENGGAN

¹⁹ Maradu loja noma ho markarejo jana hodohan laho pauli tano i anso marhasil, lopus mulak ho gabe tano angke na sian i do ho dijadihon, jana mangulahi muse ma ho gabe tano.”

PAMUNGKAAN 3:19 ပူးပေါင်းရင်းမြစ်များ

PAMUNGKAAN 18:27

Dialusi si Abraham ma, “Mangido ampun ma au dibaen mabarani tu do au mangkatai dohot Tuhan haru pe hum jolma sajo iba na so tola nian mandok bagi aha.

PAMUNGKAAN 2:7

Dung i dibuat Tuhan Debata ma saotik tano i, jana dibaen Ia ma sada jolma sian tano i; jadi diombuskon Ia ma hosa hangoluan tu lubang ni igung ni jolma i, gabe mangolu ma jolma i.

PAMUNGKAAN 23:4

“Halak na ro do au di tonga-tongamunu on; loas hamu ma hutobusi tanomunu on anso tarkuburkon au dongan saripengki.”

PAMUNGKAAN 3:18

Partubuhonon ni tano i ma ramba-ramba dohot duri jana simarata noma sipanganonmu.

PAMUNGKAAN 5:5

Jana marumur ma ia 930 taon di parmondingnia.

JOB 1:21

“Nada adong bagi na ahangku di na nitubuhon au, jana mate pe au nada mardiha-diha. Madung dilehen Tuhan i sudena jana Ia muse do na mambuatsa. Nipuji ma goar ni Tuhan i!”

JOB 10:9

Ingot ma na sian tano liat do dijadihon Ho iba! Biasi angkon mulak gabe abu baenonMu iba?

JOB 19:26

Haru pe huling-hulingniba magurbahi jana mangkabola, tapi anggo di ngolungkon, sai tataponku ma Debata.

JOB 21:26

Hape anggo di kuburan an, rap modom halahi margayangan; dirongomi binga boti ulohan.

JOB 34:15

tontu gabe mate ma sude mahluk na marhosa, jana gabe orbuk songon di mulana.

JOB 4:19

Mur ma hape mahluk na sian tano liat na sian orbuk na songon tande-tande do tarpisat!

MASMUR 103:14

Angke diboto Tuhan do asal mulanta, diingot Ia do hum abuan sajo do hita.

MASMUR 104:23

Jadi haruar ma jolma laho markarejoi, jana torus marpadot lopus potang ari.

MASMUR 104:29

Muda manaili Ho tu pudi, mabiar be ma halahi; muda dibuat Ho hosana i, mago noma halahi mulak muse ma halahi, gabe orbuk songon di mulana i.

MASMUR 127:2

Parcuma sajo do halolojamunu manjalahi balanjo, sogot dope ari ngot jana manonga borngin kehe modom; angke dilehen Ia do rasoki tu na nihaholonganNia, dompak modom be halahi.

MASMUR 22:15

Aru-arungku mahiang songon ngarngar, dilaniba lohot di langit-langit ni pamangan. Anggo au madung ditinggalkon Tuhan, songon halak na mate di kuburan.

MASMUR 22:29

Sude halak na jungkat marsomba ma tuSia, sandok bangso ni jolma mangunduk ma tuSia.

MASMUR 90:3

Disuru Ho do mulak jolma tu asalna, gabe abu songon di mulana.

PODA 21:16

Jolma na so mangihutkon parngoluon ni halak na marroha, pasti muli lalu tu portibi ni halak na mate.

PARJAMITA 1:13

Hupasada do rohangku laho manangkasi dohot marsiajari sude na masa di tano on. Sun do dangolna jambar na dilehen ni Debata tu hita.

PARJAMITA 1:3

Markarejo hita salolot mangolu, maradu hodohan. Hape dia ma suhana na tarhagodangkon hita?

PARJAMITA 12:7

Mulak ma pamatangta, gabe abuan di tano. Mulak hosa hangoluanta tu Debata. Na nilehenNia do songon basa-basa.

PARJAMITA 3:20

Manuju tu inganan na sarupa do halahi. Na marmula sian abu do halahi jana muli mulak tu abu.

PARJAMITA 5:15

Marsaemara do hita sorang; songon i muse do tadingkononta tano on, umpe maroban sanga aha sian sasude na tahalojahon.

DANIEL 12:2

Bahat do sian halahi na dung mate mulak mangolu muse; deba ma i tu hangoluan na manongtong, jana deba nari tu habilean na manongtong muse.

1 KORINTUS 15:47

Sian tano do dijadihon anggo si Adam na parjolo i, tapi anggo si Adam na paduahon sian banua ginjang do i.

EPESUS 4:28

Angka panangko, ulang be manangko. Tapi gumonan ma ia markarejo anso dapot ia balanjonia markite-hite dalan na tigor jana anso tarurupi ia halak na hurangan.

1 TESSALONIKA 2:9

Tontu laing tangkas dope diingot hamu ale angka dongan, na marsitutu be do hami markarejo. Karejo do hami arian na borngin anso ulang susa hami baen sanga ise sian hamu salolot na mamaritahon Jamita Na Denggan na sian Debata i hami tu hamu.

2 TESSALONIKA 3:10

Dompak rap dope hami dohot hamu, anggo aturan on madung hami paboa tu hamu, “Sanga ise na so ra karejo, indangkon ia mangan.”

IBRANI 9:27

Madung ditotopkon Debata hian, sanoli sajo do mate jolma, dung i diadili Debata noma.