PAMUNGKAAN 3:18 - BIBEL JAMITA NA DENGGAN

¹⁸ Partubuhonon ni tano i ma ramba-ramba dohot duri jana simarata noma sipanganonmu.

PAMUNGKAAN 3:18 ပူးပေါင်းရင်းမြစ်များ

PAMUNGKAAN 3:17

Dung i didok Ia ma tu halaklahi i, “Dibaen madung dipatangi-tangi ho hata ni dadaborumu gabe dipangan ho batu ni hayu na Hudok na so tola panganonmu. Jadi hara ni pangalahomi, gabe hona bura ma tano. Angkon marsitutu noma ho karejo salolot di ngolumu, anso tuk panganonmu sian suha ni tano i.

PAMUNGKAAN 3:19

Maradu loja noma ho markarejo jana hodohan laho pauli tano i anso marhasil, lopus mulak ho gabe tano angke na sian i do ho dijadihon, jana mangulahi muse ma ho gabe tano.”

JOB 1:21

“Nada adong bagi na ahangku di na nitubuhon au, jana mate pe au nada mardiha-diha. Madung dilehen Tuhan i sudena jana Ia muse do na mambuatsa. Nipuji ma goar ni Tuhan i!”

JOB 31:40

sai ulang ma tubu singkoru dohot gandum di ladang i tapi sai tubu ma sihupi dohot ri disi.” Songon i ma hata ni si Job.

JOB 5:5

Sanga aha na nisabi ni halahi di ladangna, abis dipapangani halak na marumar butuhana, salangkan gandum na di tonga ni sihupi, sun digugut jolma na malean i. Sinadongan dohot hamoraanna gabe sirohaan ni halak parroha arta.

MASMUR 104:2

maruloskon sinondang na torang do Ho. Dipahembang Ho do langit songon undung-undung,

MASMUR 90:3

Disuru Ho do mulak jolma tu asalna, gabe abu songon di mulana.

PODA 22:5

Tirangkap dohot jorat adong do i di dalan ni halak ma jahat; sanga ise na giot manjagohon ngoluna, dipadao ma dirina sian i.

PODA 24:31

Hum duri-duri do dohot ri huida na tubu disi. Handangna i pe ma pola unggal.

JESAYA 32:13

jana di tano ni bangsongku madung martubuan angka sihupi. Tangisi hamu ma angka bagasmunu inganan ni halak marsonang-sonang dohot kota na rumibur i.

JESAYA 5:6

PadiaronKu noma disi martubuan hayu riar. Nada be tamboranKu tanona i jana bona ni anggur i pe nada be papangkas-pangkasonKu. Mur padiaronKu noma i tehe lombuton ni sihupi dohot andor-andor. Salang ombun pe antahanKu noma ulang diparo udan tusi.”

JESAYA 7:23

Angka kobun anggur na denggan, na nisuanan dohot sasaribu be bona ni anggur na mararga saribu hoping perak, hatubuan ni ramba-ramba ma i dohot sihupi.

JESAYA 7:24

Nada puluk halak be tusi anggo inda maroban sior dohot pana, sap noma sude luat i ramba-ramba dohot sihupi.

JEREMIA 12:13

Disabur bangsongKi gandum, tapi duri do sabionna. Marloja-loja halahi, hape nada marsuha karejona i. Gilap do murukKu gabe nada mandapot na nikarejohon ni halahi.

JEREMIA 4:3

Didok Tuhan ma tu halak Juda dohot Jerusalem, “Karejohon hamu ma tanomunu na so dikarejohon dope; ulang sabur hamu same ditonga-tonga ni duri-duri.

MATEUS 13:7

Adong muse ma na madabu tu antara ni duri-duri. Mur magodang ma duri-duri i gabe tarhapit ma same i.

SURAT NI SI PAULUS TU PARLAGUTAN ROM 14:2

Adong do halak na mandok, tola panganonna sanga aha sajo pe. Tapi adong muse do halak na gale dope haporsayaanna; hum angka sayur simarata sajo ma dihilala ia na tola panganonnia.

IBRANI 6:8

Tapi anggo angka duri dohot angka duhut do na tubu sian tano i, nada adong guna ni tano sisongon i, jana buraan ma i muse jana ujungna nitutungan lopus abis.

JOSUA 23:13

ingot hamu ma pasti nada paoroton ni Tuhan Debatamu angka bangso i di hamu. Tapi sabalikna, gabe parmaraan godang noma halahi di hamu, angke na gabe jorgong noma halahi sanga songon tirangkap di hamu. Halahi pe baenonna ma hamu markancit situtu; angke na gabe songon sambok-sambok do halahi tu tanggurungmunu sanga songon duri di bagasan matamunu. Sai torus ma hamu markancit lopus umpe adong be sahalak sian tonga-tongamunu na tading di luat na denggan on na nilehen ni Tuhan Debatamunu di hamu.