PAMUNGKAAN 3:16 - BIBEL JAMITA NA DENGGAN

¹⁶ Jadi didok Debata ma tu dadaboru i, “TambaonKu ma hasusaanmu di hatiha denggan pamatangmu, dohot hahancitanmu di na giot manubuhon dakdanak. Tapi haru pe songon i laing tongtong noma sai ro rohamu tu halaklahimu, jana anso dioloi ho halaklahimu.”

PAMUNGKAAN 3:16 ပူးပေါင်းရင်းမြစ်များ

PAMUNGKAAN 4:7

Muda na denggan do na nibaenmu, musti angkon tata bohimu; tapi hara ni na nibaenmu na jat, gabe painte-intehon ma dosa laho masuk tu bagasan ate-atemu. Na giot rajaan ni dosa ma dirimu, tapi angkon taluhononmu do i.”

1 JUJUR TAON 4:9

Adong ma sada bayo na margoar si Jabes; sumangap do ia sian angka kahangginia. Digoari inangnia do ia si Jabes, hara ni na manaon na hancit ia laho manubuhon si Jabes.

ESTER 1:20

Muda dung marserak haputusan ni raja i tu sandok harajaan na bolak i, pasangapon ni ganop dadaboru ma halaklahina, na kayo bope na miskin.”

MASMUR 48:6

Humitir be ma halahi mabiar disi jana mangae na hancit songon ina na giot di api.

JESAYA 13:8

Didondoni biar ma halahi sudena jana marngeati hancitan, songon ina na manubuhon dakdanak. Marsiligi-ligian ma halahi sak be rohana, marrarai bohina i hara ni ilana.

JESAYA 21:3

Patunda ni parnidaan i gabe mabiar jana hancitan ma au songon dadaboru na topet manubuhon dakdanak.

JESAYA 53:11

Dung abis hasusaannia idaonnia ma na torang jana puas ma pangkilalaanna. Tigor do parrohaon ni naposongKi, jana bahat do halak gabe tigor hara ni ia, ampe tusia do uhuman na tu halahi.

JEREMIA 13:21

Giot aha ma he dokkononmu anggo angka jolma na nietong ni rohamunu angka donganmunu, hape manaluhon dohot mangarajai hamu? Musti hancitan hamu songon dadaboru na giot manubuhon dakdanak.

JEREMIA 22:23

Sonang hamu tinggal dihaliangi angka tiang sampinur Libanon, tapi sanoli on muda ro na hancit tu hamu, mangae ma hamu songon ina na manubuhon dakdanak.”

JEREMIA 4:31

Tarbege do tu au sora ni angguk-angguk songon sora ni ina na giot tubu-tubuan; songon dadaboru parsaurangan na manubuhon dakdanakna, songon i ma sora ni boru Sion mongkik-ongkik. Gapa-gapa tanganna i jana sai humolos-holos ia, “Marjaya ma au on – hona bunu au dibaen musu!”

JEREMIA 49:24

Gabe gale halak na maringanan di Damaskus jana marlojongi hara ni biarna. Hancitan halahi jana mardangol songon dadaboru na giot hipas.

JEREMIA 6:24

Umbege barita i, gabe gale ma halak Jerusalem. Didondoni biar ma halahi jana mangae songon ina na giot tubu-tubuan.

BILANGAN 30:13

Adong do hak ni halaklahinia pahotkon sanga mangantak sude niet dohot janji ni dadaboruna.

JOHANNES 16:21

Muda giot sorang anak ni sada ina, marsak ma rohania hara ni na dung dapot hatihana manaon na hancit ia. Tapi disi sorang dakdanak i, manigor lupa ma ina i di na hancit i; marjop ni roha ma ia angke madung sorang sada dakdanak tu tano on.

1 KORINTUS 11:3

Tapi adong dope sada nari pangalaho na giot paboaonku di hamu; Kristus do anggo Ulu ni sude na margoar halaklahi; na gabe ulu ni dadaboru i, i ma halaklahina jana gabe Ulu Ni Kristus, i ma Debata.

1 KORINTUS 14:34

Songon na masa di sude parlagutan ni halak na badia, angkon hohom do angka dadaboru di bagasan parlagutan. Nada tola halahi manghatai, tapi angkon unduk do halahi songon na nidok ni Tona i.

1 KORINTUS 7:4

Nada roha-roha ni dadaboru i be di dirina sandiri, halaklahinia noma na markuaso tusia. Songon i muse halaklahi i, nada markuaso be ia di dirinia sandiri; daborunia i noma na markuaso disia.

KOLOSSE 3:18

Hamu angka ina! Oloi hamu ma halaklahimunu, angke songon i do parange na tama baenonmunu patandahon na Kristen hamu.

1 TESSALONIKA 5:3

Muda hatiha didok halak, “Dame do sude jana marsonang-sonang,” jadi disi ma ompot didondoni hamagoan halahi! Nada tarbaen halahi be malua. Songon hancit ni pangkilalaan ni sada ina na giot hipas do hamamasa ni i.

1 TIMOTEUS 2:13

Angke si Adam do parjolo ditompa, dung i pe anso si Hawa.

1 TIMOTEUS 2:15

Haru songon i pe, paluaon do angka dadaboru hara ni na manubuhon angka dakdanak, asal ma tongtong porsaya, tongtong marholong ni roha jana habadiaan mardongan hapantunon.

TITUS 2:5

anso malo mangarajai dirina, anso ias dohot anso gabe ina na denggan di rumahtanggana na mangoloi tu halaklahina. Jadi muda songon i, nada tarincahi halak be jamita na sian Debata.