PAMUNGKAAN 3:14 - BIBEL JAMITA NA DENGGAN

¹⁴ Dung i didok Tuhan Debata ma tu ulok i, “Hona uhum ma ho hara ni pangalahomi; sian sude na margoar binatang, hum ho ma manaon bura na songon on; mamungka sian on, manjurur noma ho dohot butuhamu, jana abu noma panganonmu salolot ho mangolu.

PAMUNGKAAN 3:14 ပူးပေါင်းရင်းမြစ်များ

PAMUNGKAAN 3:1

Ulok do binatang na umbisuk sian sude binatang na nitompa ni Tuhan Debata. Disapai ulok i ma tu dadaboru i, “Tutu ma he na so dipatola Debata hamu mangankon batu ni hayu na di bagasan kobun on sude?”

PAMUNGKAAN 4:11

Hona bura ma ho, jana na so tola be ho mangkarejohon tano i. Madung diincop tano i mudar ni anggimi, songon na mungkap pamanganna manjagit mudar ni anggimi di na nibunumi ia.

PAMUNGKAAN 9:6

Songon Debata do jolma i ditompa, jadi hara ni i sanga ise na mambuat hosa ni jolma, bunuon ni jolma muse ma ia.

MASMUR 72:9

Angka bangso na di padang parhorsihan tunduk ma tusia jana marsomba muse di jolo ni patnia.

JESAYA 29:4

Angke patoruonmu noma dirimu jana marsora ma ho sian bagasan tano, alang-alang tarbege ma soramu sian bagasan abuan; pangkuling ni soramu songon sora ni begu sian toru ni tano.

JESAYA 65:25

Rap manjampal ma sorigala dohot anak ni biri-biri, singa pe mangan durame songon lombu, jana ulok pe mangolu sian abu. Di sude dolokKu Na Badia i nada adong be na mangarugi i, sanga mambaen na jahat,” ninna Tuhan.

HAMALIMON 20:25

Antong hara ni i angkon diboto hamu tangkas, angka binatang dia do na haram, jana dia do na so haram. Ulang pangan hamu binatang sanga unggas na haram. Madung Hudok na haram binatang i, jadi muda dipangan hamu i gabe ramun ma hamu.

MIKA 7:17

Gabe songon ulok ma halahi mandilati tano, jana songon angka binatang na manjulur di tano i; humitir ma halahi ruar sian bentengna jana ro ma tu jolo ni Tuhan Debatanami, humitir marhite biar tu Ho.