PAMUNGKAAN 29:6 - BIBEL JAMITA NA DENGGAN

⁶ “Horas-horas dehe ia?” ning si Jakob mangulahi. “Horas torkis do da ia,” ning halahi mangalusi. “Ligi ma indadu, borunia do i, si Rahel goarna. Na ro maroban hambeng ni amangnia i do ia.”

PAMUNGKAAN 29:6 ပူးပေါင်းရင်းမြစ်များ

PAMUNGKAAN 29:7

Ninna si Jakob ma, “Arian dope saonnari, na so hatihana dope pabara hambeng. Biasi nada dipainum hamu pahan-pahanan i anso manjampali mangulahi?”

PAMUNGKAAN 37:14

Ning amangnia i ma, “Kehe ma jolo ho mangaligi angkangmi sanga na horas do halahi dohot hambeng biri-birinta i betak na denggan do; jadi mulak ma ho tuson, paboa tu au sanga na bia do.” Jadi dipakehe ia ma si Josep manadingkon Rura Hebron. Nada sadia honok, lalu ma si Josep tu Sikem.

PAMUNGKAAN 43:27

Disapai si Josep ma sanga na horas-horas do halahi, jana didok ia ma, “Madung dibaritahon hamu tu au taringot tu amanta hamu na dung matobang i – bia do baritania? Mangolu dope he ia, jana horas dope?”

2 SAMUEL 20:9

Didok si Joab ma tu si Amasa, “Aha do barita, dongan?” ning ia lalu ditiop ia janggut ni si Amasa dohot tangannia siamun tarsongon na giot mangumma ia.

HARURUAR 18:7

Jadi kehe ma si Musa mangalo-alo halahi. Manungkap ma ia di jolo ni si Jetro, jana diumma ia ma. Marsisapaan ma halahi sanga na horas torkis be do halahi sude, jadi dung i, masuk ma halahi tu bagasan bandar ni si Musa i.

1 SAMUEL 17:22

Dung i dipasimpankon si Daud ma na niobannia i tu panjago barang-barang ni tentara i jana dilojong ia ma tu galanggang ni porang i laho mandapotkon angka angkangnia i jana disapai ma sanga na horas halahi.

1 SAMUEL 25:5

disuruhon ia ma sampulu halak doli-doli kehe tu Karmel, mandapotkon si Nabal laho palaluhon tabe ni si Daud tusia.