PAMUNGKAAN 29:32 - BIBEL JAMITA NA DENGGAN

³² Denggan ma pamatang ni si Lea, jadi sorang ma sada anaknia halaklahi. Ning ia ma, “Ditatap Tuhan do hape hasusaanku, jana haholongan ni halaklahingku noma au.” Jadi dibaen ia ma goar ni anaknia i, si Ruben.

PAMUNGKAAN 29:32 ပူးပေါင်းရင်းမြစ်များ

PAMUNGKAAN 16:11

Tubuhononmu ma sada anak halaklahi jana goaronmu ma ia si Ismael, angke madung ditangihon Tuhan andung-andungmi.

PAMUNGKAAN 29:31

Di na niida ni Tuhan na so sadia si Lea dihaholongi songon si Rahel, dipaloas Tuhan ma si Lea mardakdanak. Tapi anggo si Rahel nada maruntungan.

PAMUNGKAAN 31:42

Sugari sura na so nidonganan ni Debata ni daompung au, i ma Debata na nisomba ni si Abraham dohot si Ishak, ma pasti rumar tanganku paorotonmu. Tapi madung diparrohahon Debata hasusaanki dohot parkarejoan na dung hubaen i, jana napotangin, madung dilehen Ia haputusanNa.”

PAMUNGKAAN 35:22

Di inganan i ma dipodomi si Ruben rading ni amangnia na margoar si Bilha. Tarbege ma i tu si Jakob, gabe muruk situtu ma ia. Dua bolas anak ni si Jakob.

PAMUNGKAAN 35:23

Angka on ma anak ni si Lea: Si Ruben (i ma anak siangkaan ni si Jakob), si Simeon, si Levi, si Juda, si Isakar dohot si Zebulon.

PAMUNGKAAN 37:29

Di na mangulahi si Ruben tu sumur i, nada diida ia be disi angginia i, gabe disibakkon ia ma pakeannia hara ni marsak ni rohania.

PAMUNGKAAN 42:22

Didok si Ruben ma, “Na so hudokkon dehe lakna na baru on tu hamu, ulang tabaen na jat tu angginta i? Hape nada ditangihon hamu. Jadi manginona tu hita ma saonnari parmatenia i.”

PAMUNGKAAN 42:27

Jadi diparbornginan ni halahi, adong ma sahalak sian halahi na mambuka harung ni eme laho mangalehen mangan halodenia. Diida ia ma hepengnia i di ginjang ni eme i.

2 SAMUEL 16:12

Betak na parrohahonon ni Tuhan do pardangolankon jana pasupasuonNia au gonti ni bura i.”

1 JUJUR TAON 5:1

On ma pomparan ni si Ruben anak siangkaan ni si Jakob. (Hara ni na dung mambaen tilako si Ruben dohot rading ni amana, gabe dibuat ma haknia songon anak siangkaan jana dipasahat ma i tu si Josep.

MASMUR 106:44

Tapi di na pio-pio halahi, laing ditangihon Ho do, diparrohahon Ho do hasusaan ni halahi, ale Tuhan.

MASMUR 25:18

Ligi ma pardangolan dohot hasompitanku, jana sesa ma sude dosangku.

HARURUAR 3:7

Dung i didok Debata ma, “Madung Huida parkancitan ni bangsongKu di Mesir. Madung Hubege angguk-angguk ni halahi mangido anso dipalua sian angka na mamparkanciti halahi. Olo! Madung Huboto pardangolan ni halahi.

HARURUAR 4:31

Gabe porsaya ma halahi boti dung dibege halahi bahaso na dung ro hape Debata marnida sude parkancitan ni halahi, dipaunduk halahi ma marsomba tu Debata.

BILANGAN 1:5

On ma goar ni angka halaklahi na gabe kapala ni ganop marga, na nipili sian bangso i, mangkarejohon karejo na nitaringotan i: MARGA KAPALA NI MARGA Ruben Elisur anak ni si Sedeur Simeon Selumiel anak ni si Zurisiadai Juda Nahason anak ni si Aminadab Isakar Natanael anak ni si Zuar Zebulon Eliab anak ni si Helon Efraim Elisama anak ni si Amihud Manase Gamaliel anak ni si Pedasur Benyamin Abidan anak ni si Gideoni Dan Ahieser anak ni si Amisadai Aser Pagiel anak ni si Okran Gad Eliasap anak ni si Rehuel Naftali Ahira anak ni si Enan

LUKAS 1:25

Didok ia ma, “Ujungna hape ditolong Tuhan do au jana dibuat Ia habileanku.”

PANGARATAION 26:7

Dung i pio-pio ma hami mangido tolong tu Tuhan Debata ni ompunta i. Ditangihon Ia do pio-pionta i jana diida Ia do pardangolanta hasusaan dohot sitaononta i.

PANGARATAION 27:13

Di hatiha na pajojorkon hata bura, angkon jongjong do Marga Ruben, Gad, Aser, Zebulon, Dan dohot Naftali di ginjang ni Dolok Ebal.

1 SAMUEL 1:11

Dung i didok si Hanna ma janji, “O Tuhan Na Markuaso, parrohahon ma naposoMon! Ligi ma pardangolankon. Ingot ma jana ulang halupahon au! Muda dilehen Ho di au sada anak halaklahi, marjanji ma au mangalehensa tu Ho salolot ia mangolu, jana obukna pe nada unjung tola gotapon.”

1 SAMUEL 1:20

Denggan ma pamatang ni Hanna jana sorang ma anakna halaklahi. Dibaen ia ma goarna si Samuel, angke didok ia, “Na hupangido do ia sian Tuhan.”