PAMUNGKAAN 29:30 - BIBEL JAMITA NA DENGGAN

³⁰ jana humolong do rohania di si Rahel ulang tu si Lea. Jadi karejo ma ia di si Laban pitu taon nari.)

PAMUNGKAAN 29:30 ပူးပေါင်းရင်းမြစ်များ

PAMUNGKAAN 29:17

Songon na pede-pede do mata ni si Lea, tapi anggo si Rahel jeges pamatangna jana jogi dohot bohina.

PAMUNGKAAN 29:18

Si Rahel do na nisolom mata ni si Jakob, jadi gabe dialusi ia ma tu si Laban, “Ra do au markarejo di ho pitu taon honokna asal ma dipatola ho hubuat si Rahel.”

PAMUNGKAAN 29:20

Jadi karejo ma si Jakob pitu taon honokna anso dapot ia si Rahel, jana songon na manyalpui piga-piga ari sajo do dihilala ia na pitu taon i hara ni holong ni rohania mida anak boru i.

PAMUNGKAAN 29:29

Dilehen si Laban ma hatobannia dadaboru na margoar si Bilha di si Rahel;

PAMUNGKAAN 29:31

Di na niida ni Tuhan na so sadia si Lea dihaholongi songon si Rahel, dipaloas Tuhan ma si Lea mardakdanak. Tapi anggo si Rahel nada maruntungan.

PAMUNGKAAN 31:15

Halak na asing noma hami dietong rohania. Na dung digadisnia do hami jana hepeng na nijagitnia disi, madung diabiskon ia.

PAMUNGKAAN 31:41

Songon i ma na hutaon i salolot na dua pulu taon i au karejo di ho. Opat bolas taon da karejo au anso dapot au borumunu na dua i – jana onom taon nari anso dapot au angka pahan-pahanan i. Jana dipauba-uba ho ma upangku disi pola sampulu noli muba.

PAMUNGKAAN 44:20

Jadi hami alusi, ‘Adong dope amangnami madung matobang situtu; jana angginami pe adong dope sada nari na sorang dung matobang amanami i. Anggo na manadohon angginami i, madung jumolo, jadi anggo saonnari hum ia sajo noma na mangolu sian halahi na saina; jana na holongan do roha ni amangnami i mida ia.’

PAMUNGKAAN 44:27

Hape didok amanta hami i do, ‘Diboto hamu do, hum on do anak na nitubuhon ni ripengku si Rahel.

HOSEA 12:12

hape haru songon i pe laing adong do na marsomba gana-ganaan di Gilead dohot na mamelehon lombu di ginjang ni langgatan na di Gilgal. Tapi muli mate do halahi na marsomba gana-ganaan i, jana angka langgatan na di Gilgal i pe gabe batu na nipagukguk di ladang do.”

MATEUS 10:37

Halak na humolongan rohana mida amangna sanga inangna ulang mida Au, nada tumbuk halak sisongon i di Au. Songon i muse halak na humolongan rohana mida anakna sanga boruna ulang mida Au, nada tumbuk halak sisongon i gabe siihutkon Au.

MATEUS 6:24

“Nada adong sahalak pe na tarbaen mangoloi dua tuan sanoli mangoloi. Muda dibaen ia songon i, goyak ma rohania tu na sada, holong ma rohania tu na sada nari. Sanga burju ma ia tu tuan na sada, tapi na sada nari inda diantureskon. Songon i muse do hamu. Nada tarbaen hamu markarejo tu Debata dohot markarejo tu arta sanoli mangkarejohon.

LUKAS 14:26

“Muda adong halak na ro tu Au, hape holongan do rohania mida inangnia, amangnia, dadaborunia, dakdanaknia, kahangginia, angka ibotonia dohot dirinia sandiri pe tehe, nada tarbaen halak na songon i gabe siihutkon Au.

JOHANNES 12:25

Sanga ise na mangkaholongi ngoluna na di tano on, agoan ngolu na so mantak ma halahi. Tapi sanga ise na so mampardulihon ngoluna na di tano on, na mangarade tu hangoluan na so mantak ma halahi.

PANGARATAION 21:15

“Umpamana adong ma na mardadaboru dua halak, jana na dua i rap manubuhon anak halaklahi, tapi anak na parjolo sorang nada sian dadaboru hasudungan ni roha ni bayo i.