PAMUNGKAAN 29:20 - BIBEL JAMITA NA DENGGAN

²⁰ Jadi karejo ma si Jakob pitu taon honokna anso dapot ia si Rahel, jana songon na manyalpui piga-piga ari sajo do dihilala ia na pitu taon i hara ni holong ni rohania mida anak boru i.

PAMUNGKAAN 29:20 ပူးပေါင်းရင်းမြစ်များ

PAMUNGKAAN 24:67

Dung i dioban si Ishak ma si Ribka masuk tu bandar ni si Sara inangnia i, jana diparsaripe ia ma si Ribka. Holong do roha ni si Ishak disia jana songon i ma gabe sombu rohania sian arsak na agoan ina i ia.

PAMUNGKAAN 29:19

Ning si Laban ma, “Au pe gumonan do huhilala di ho hulehen ia ulang pado tu halak na asing; antong dison ma ho.”

PAMUNGKAAN 29:27

Painte ma jolo sidung pesta parbagasonmu na pitu ari on, dung i hulehen pe di ho dohot si Rahel – asal ma laing ra ho markarejo di au pitu taon nari,” ning ia.

PAMUNGKAAN 29:30

jana humolong do rohania di si Rahel ulang tu si Lea. Jadi karejo ma ia di si Laban pitu taon nari.)

PAMUNGKAAN 30:26

Lehen ma di au ripengki na dua i songon i angka dakdanakku, jana padiar ma au kehe. Na karejo do au tu ho umbaen na dapot au halahi. Tangkas do diboto ho lojangku na karejo i.”

PAMUNGKAAN 31:15

Halak na asing noma hami dietong rohania. Na dung digadisnia do hami jana hepeng na nijagitnia disi, madung diabiskon ia.

PAMUNGKAAN 34:19

Jadi manigor dipatulus si Sikem ma sarat-sarat i hara ni por ni rohania di si Dina. Boti sian sude koum sisolkotnia, si Sikem ma na sumangap dihilala halahi.

HOSEA 12:12

hape haru songon i pe laing adong do na marsomba gana-ganaan di Gilead dohot na mamelehon lombu di ginjang ni langgatan na di Gilgal. Tapi muli mate do halahi na marsomba gana-ganaan i, jana angka langgatan na di Gilgal i pe gabe batu na nipagukguk di ladang do.”

HOSEA 12:13

Gilo do ompunta si Jakob tu Aram jana marinduk somang ma ia tu halak na disi jana marmahan angka biri-biri ni jolma i laho mambuat boru disia.

1 KORINTUS 13:7

Sanga aha pe na ro, tahan do holong ni roha i jana dihaporsayaisa do sude; anggo holong ni roha i nada unjung mago pangkirimonna jana sai sobar do i manaon sasudena.

2 KORINTUS 5:14

Holong ni roha ni Kristus do na mangarajai hami. Jana hami boto do: Muda mate sada halak humopkop halak sudena, paboa na dung mate do sudena halahi.

EPESUS 5:2

Angkon mardai holong ni roha ma nian ngolumunu, laing songon pangkaholongi ni Kristus di hita. Dihaulkon Ia do diriNia hara ni hita, gabe songon silehen-lehen dohot haul na huskus na pasonangkon roha ni Debata.

1 SAMUEL 18:23

Tapi di na palaluhon hata i halahi tu si Daud, dialusi ia ma, “Na mura-mura do lakna diambang hamu gabe babere ni raja? Halak na pogos do au boti na so masuk kira!”