PAMUNGKAAN 29:2 - BIBEL JAMITA NA DENGGAN

² Na so niambang-ambang diida ia ma sumur di padang, jana adong ma di lambungna i modom-modom tolu hulanan hambeng na giot lehenon minum songon na somal. Ditutupi dohot batu na godang do sumur i.

PAMUNGKAAN 29:2 ပူးပေါင်းရင်းမြစ်များ

PAMUNGKAAN 24:10

Dibuat hatoban i ma sampulu unto ni tuanna i dohot angka barang-barang na mararga, jana kehe ma ia rap dohot piga-piga halak nari hatoban na asing manopot kota na niinganan ni si Nahor najolo, i ma na di sabola Utara ni Mesopotamia.

PAMUNGKAAN 24:11

Dung lalu ia di adu, diparadiankon ia ma angka unto i di lambung ni sada sumur di balian ni kota i. Andospotang ma hatiha i, jana tingkina ma angka dadaboru muhat mangalap aek tu sumur i.

PAMUNGKAAN 24:13

Ligi ma, dison au jongjong di lambung sumur on. Marroan ma santongkin nari angka bujing-bujing sian kota i, muhat mangalap aek.

PAMUNGKAAN 29:3

Dung marlagut sude angka hambeng dohot biri-biri di inganan i, baru pe anso digulang angka parmahan i batu i tu topi, dilehen ma angka pahan-pahanan i minum. Dung sidung i, ditutup angka parmahan i ma mangulahi sumur i.

MASMUR 23:2

Dipapayak Ia do au di padang jampalan na lomak. Ditogu Ia do au, tu aek na lan.

JESAYA 49:10

Nada malean halahi sanga manguas, alogo na milas dohot mataniari na mamilngas pe nada hona tu halahi, Au na manghaholongi halahi, sai mandongani, jana tu angka mual na gok aek toguonKu halahi.

JOHANNES 4:14

tapi anggo halak na manginum aek na giot lehenonKi disia, nada manguas be ia salolot-lolotna. Angke anggo aek na giot lehenonKi angkon gabe sada mata mual na marbuldak-buldak do i di dirinia jana mangalehen hangoluan na so mantak.”

JOHANNES 4:6

Disi ma sumur ni si Jakob i. Loja sajo ma Jesus na mardalan i, gabe kehe Ia juguk maradian di topi ni sumur i. Hira-hira pukul dua bolas ma hatiha i.

HALUMBAAN 7:17

angke Anak Ni Biri-biri na di tonga-tonga ni habangsa i noma na marmahani halahi. ToguonNia ma halahi tu mual ni aek haroroan ni hangoluan. Jana apusan ni Debata ma sude ilu-ilu sian mata ni halahi.”

HAKIM-HAKIM 5:11

Tangihon! Di lambung ni angka sumur marendei halak na ribur. Paboa-boahon hamonangan ni Tuhan marpupu, hamonangan na nilehenNia tu bangsoNia! Lalu marbaris ma halak ni Tuhan tu horbangan ni kota.