18 Si Rahel do na nisolom mata ni si Jakob, jadi gabe dialusi ia ma tu si Laban, “Ra do au markarejo di ho pitu taon honokna asal ma dipatola ho hubuat si Rahel.”
Dung i dioban si Ishak ma si Ribka masuk tu bandar ni si Sara inangnia i, jana diparsaripe ia ma si Ribka. Holong do roha ni si Ishak disia jana songon i ma gabe sombu rohania sian arsak na agoan ina i ia.
Jadi karejo ma si Jakob pitu taon honokna anso dapot ia si Rahel, jana songon na manyalpui piga-piga ari sajo do dihilala ia na pitu taon i hara ni holong ni rohania mida anak boru i.
Lehen ma di au ripengki na dua i songon i angka dakdanakku, jana padiar ma au kehe. Na karejo do au tu ho umbaen na dapot au halahi. Tangkas do diboto ho lojangku na karejo i.”
Songon i ma na hutaon i salolot na dua pulu taon i au karejo di ho. Opat bolas taon da karejo au anso dapot au borumunu na dua i – jana onom taon nari anso dapot au angka pahan-pahanan i. Jana dipauba-uba ho ma upangku disi pola sampulu noli muba.
Dok hamu ma sanga aha do silehen-lehen por ni rohamunu, jana tontuhon hamu ma sanga sadia bolina. Hulehen pe sanga aha na nipangidomunu, asal ma dipatola hamu hualap borumunu i.”
Dung salpu i disuru si Daud muse ma utusannia tu si Isboset maroban tona, “Paulak ma antong tu au si Mikal dadaborungki. Na dung hugarari do i dohot saratus sibur-sibur ni halak Pilistin.”
hape haru songon i pe laing adong do na marsomba gana-ganaan di Gilead dohot na mamelehon lombu di ginjang ni langgatan na di Gilgal. Tapi muli mate do halahi na marsomba gana-ganaan i, jana angka langgatan na di Gilgal i pe gabe batu na nipagukguk di ladang do.”