PAMUNGKAAN 29:13 - BIBEL JAMITA NA DENGGAN

¹³ Jadi di na nibege ni si Laban barita ni si Jakob baberenia i, marlojong ma ia mandapotkonsa. Dihaol si Laban ma si Jakob lalu diummai ia, jana dioban ia ma masuk tu bagas. Dung abis dicaritohon si Jakob sude na tarjadi i tu si Laban,

PAMUNGKAAN 29:13 ပူးပေါင်းရင်းမြစ်များ

PAMUNGKAAN 24:31

Jadi didok si Laban ma, “Na nipasupasu ni Tuhan do da ho, hara ni i ulang ma dison hamu di ruar on. Beta ma hita tu bagasta. Madung rade kamar ingananmunu dohot inganan ni angka untomon,” ning ia.

PAMUNGKAAN 24:32

Jadi diihutkon hatoban i ma ia, masuk tu bagas. Dipaijur si Laban ma boban ni angka unto i jana dilehen ia ma durame dohot jampalon ni pahan-pahanan i. Dung i dibuat ia ma aek pamasu ni pat ni hatoban ni si Abraham i dohot donganna i.

PAMUNGKAAN 33:4

Tapi marlojong ma si Esau mandapotkon ia, lalu dihaol ia ma si Jakob jana diumma ia. Marsitangis-tangisan ma halahi na dua.

PAMUNGKAAN 45:15

Dung i tangis dope ia, dihaol ia ma sude angkangnia i jana diummai ia. Dung i baru ma manghata-hatai halahi dohot ia.

2 SAMUEL 19:39

Dung i ditaripari si Daud ma dohot sude parangannia Batang aek Jordan. Dung i diumma si Daud ma si Barsilai jana dipasupasu ia. Dung i mulak ma si Barsilai tu bagasnia.

HARURUAR 18:7

Jadi kehe ma si Musa mangalo-alo halahi. Manungkap ma ia di jolo ni si Jetro, jana diumma ia ma. Marsisapaan ma halahi sanga na horas torkis be do halahi sude, jadi dung i, masuk ma halahi tu bagasan bandar ni si Musa i.

HARURUAR 4:27

Di hatiha i didok Debata ma tu si Harun, “Kehe ma ho tu halongonan anso marsuo ho dohot si Musa.” Dung i kehe ma si Harun mandapotkon angginia i di dolok na badia. Di na marsuo i halahi diumma si Harun ma si Musa.

LUKAS 7:45

Nada diumma ho Au, hape anggo anak boru on nada maradian ia mangummai patKu dung do ro Au tuson.

BAENON NI ANGKA RASUL 20:37

Martangisan ma halahi sude, dihaol halahi ma si Paulus jana diummai halahi laho paborhatkon ia.

SURAT NI SI PAULUS TU PARLAGUTAN ROM 16:16

Marsijalangan ma hamu sama hamu sian ias ni roha songon tu dongan Kristen. Palalu tabe do tu hamu, angka parlagutan ni Kristus.

KOLOSSE 4:5

Di angka pardomuanmunu tu angka halak na so porsaya malo ma hamu na mangolu i jana ganop adong hatiha na tumbuk, pake hamu ma i sadenggan-dengganna.