PAMUNGKAAN 29:1 - BIBEL JAMITA NA DENGGAN

¹ Dipatorus si Jakob ma pardalanannia jana kehe ma ia tu Habincaran ni tano Kanaan.

PAMUNGKAAN 29:1 ပူးပေါင်းရင်းမြစ်များ

PAMUNGKAAN 24:10

Dibuat hatoban i ma sampulu unto ni tuanna i dohot angka barang-barang na mararga, jana kehe ma ia rap dohot piga-piga halak nari hatoban na asing manopot kota na niinganan ni si Nahor najolo, i ma na di sabola Utara ni Mesopotamia.

PAMUNGKAAN 25:20

Marumur opat pulu taon ma si Ishak di na marripe ia dohot si Ribka, iboto ni si Laban, boru ni si Betuel. (Halak Aram na di Mesopotamia do anggo si Betuel.)

PAMUNGKAAN 25:6

dompak di ngolunia bahat do diparleheni ia silehen-lehen tu angka dakdanaknia na nitubuhon ni angka dongan saripenia na asing i. Dung i disuruhon ia ma angka dakdanaknia i marpindaan tu luat Habincaran ni Kanaan, anso dao be sian si Ishak anaknia i.

PAMUNGKAAN 35:1

Sanoli didok Debata ma tu si Jakob, “Au ma da Debata na pataridahon diringKu tu ho di na lari i ho sian angkangmu si Esau. Ompoti ma kehe tu Betel. Disi ma ho maringanan jana pajongjong ma sada langgatan di Au.”

PAMUNGKAAN 35:7

Dipajongjong si Jakob ma disi sada langgatan jana dibaen ia ma goar ni inganan i “El-Betel”, angke disi ma dipataridahon Debata diriNa tu si Jakob di na lari ia sian angkangnia.

1 RAJA-RAJA 4:30

Di angka luat na di Habincaran dohot na di Mesir nada adong halak na ummalo sian ia.

MASMUR 119:32

Sonang do rohangku giot mangoloi parentaMu, angke dibaen Ho do au mur mangastui.

MASMUR 119:60

Huompoti nada pola hupalalap laho mandalankon parentaMu.

PARJAMITA 9:7

Tole, mangan ma jana marjop ni roha, inum ma anggurmi marmoga-moga. Nada muruk Debata, mur jop noma rohaNia.

HOSEA 12:12

hape haru songon i pe laing adong do na marsomba gana-ganaan di Gilead dohot na mamelehon lombu di ginjang ni langgatan na di Gilgal. Tapi muli mate do halahi na marsomba gana-ganaan i, jana angka langgatan na di Gilgal i pe gabe batu na nipagukguk di ladang do.”

BILANGAN 23:7

Dung i didok si Bileam ma panurirangonna i songon on, “Sian Aram, sian dolok-dolok di Habincaran an, si Balak, raja ni Moab marpio au mandok, ‘Ro ma ho burai ma si Jakob, jana ro ma ho burai ma Israel!’

HAKIM-HAKIM 6:3

Boti muse, ganop dung sidung manyuan gandum angka partani ni Israel, marroan ma halak Midian rap dohot halak Amalek dohot angka halak na sian parhorsihan mangaroro halak Israel.

HAKIM-HAKIM 6:33

Di hatiha i madung marlagut sude halak Midian, Amalek dohot angka horong ni bangso na di parhorsihan na di Habincaran ni Jordan. Ditaripari halahi ma Batang aek Jordan jana marbandar halahi di Rura Jisreel.

HAKIM-HAKIM 7:12

Marserak do sap di rura i halak Midian, Amalek dohot angka halak na sian parhorsihan i, songon dia ma siapor na marrongom idaon. Unto ni halahi pe santak bahatna, songon horsik na di topi ni laut idaon.

HAKIM-HAKIM 8:10

Di hatiha i topet ma si Zebah dohot si Salmuna dohot angka tentarania i sude di Karkor. Sian sude parangan ni angka halak parhorsihan i, hum hira-hira lima bolas ribu halak sajo noma na tinggal; ma hona bunu tentarania i saratus dua pulu ribu halak na marsinjatahon podang.