PAMUNGKAAN 28:5 - BIBEL JAMITA NA DENGGAN

⁵ Jadi songon i ma dipabuat si Ishak anakna si Jakob tu Mesopotamia mandapotkon si Laban anak ni si Betuel halak Aram i. Iboto ni si Laban ma da si Ribka inang ni si Jakob dohot si Esau i.

PAMUNGKAAN 28:5 ပူးပေါင်းရင်းမြစ်များ

PAMUNGKAAN 22:23

Di pudi ni ari si Betuel on ma na gabe amang ni si Ribka.

PAMUNGKAAN 24:54

Dung i pe anso mangan minum hatoban ni si Abraham dohot angka donganna i, jana disi ma halahi marborngin. Dung tarsunggul halahi manyogotna i didok hatoban i ma, “Loas hamu ma da mulak au tu tuanku.”

PAMUNGKAAN 25:20

Marumur opat pulu taon ma si Ishak di na marripe ia dohot si Ribka, iboto ni si Laban, boru ni si Betuel. (Halak Aram na di Mesopotamia do anggo si Betuel.)

PAMUNGKAAN 27:43

Jadi, oloi ma na hudok on amang. Kehe ma ho manigor tu ibotongku si Laban, di Haran.

PAMUNGKAAN 28:2

Tu Mesopotamia ma ho kehe tu bagas ni ompungmu si Betuel jana boru ni tulangmu si Laban ma buat sahalak di ho.

PAMUNGKAAN 29:1

Dipatorus si Jakob ma pardalanannia jana kehe ma ia tu Habincaran ni tano Kanaan.

PAMUNGKAAN 29:12

“Si Ribka do dainang, i ma iboto ni amanta,” ning ia tu si Rahel. Jadi marlojong ma si Rahel muli tu bagas laho paboahon na masa i tu amangnia.

PAMUNGKAAN 31:24

Borngin-borngin i ro ma Debata tu si Laban di bagasan nipi mandok, “Jago ho! Ulang jabat adong hatamu sanga aha mangancam si Jakob.”

PAMUNGKAAN 35:27

Jadi kehe ma si Jakob mandapotkon si Ishak amangnia i di Mamre di lambung ni Hebron. I ma inganan ni si Ishak amangnia dohot ompungnia si Abraham.

JEHESKIEL 27:16

Angka parboniaga sian Siria manobusi angka barang-barang boniagamu dohot angka suhamu na bahat i. Digarari halahi ma i dohot simata na sian batu zamrud, abit na rara bunga torung, abit na marsulam, linen na halus, simata na sian batu koral dohot batu na rara dalimo.

HOSEA 12:12

hape haru songon i pe laing adong do na marsomba gana-ganaan di Gilead dohot na mamelehon lombu di ginjang ni langgatan na di Gilgal. Tapi muli mate do halahi na marsomba gana-ganaan i, jana angka langgatan na di Gilgal i pe gabe batu na nipagukguk di ladang do.”

PANGARATAION 26:5

Dung i di adopan ni Tuhan angkon pajojoronmu do hata on: ‘Halak Aram na mimbarimbar do daompung, sada halak na madang-adang na so adong bagas ingananna. Dioban ia do ripenia tu Mesir anso maringanan ia disi. Di na kehe i tusi, saotik do bilangan ni halahi, hape gabe bangso na godang do halahi jana na gogo.