PAMUNGKAAN 28:4 - BIBEL JAMITA NA DENGGAN

⁴ Sai dipasupasu Tuhan ma ho dohot pomparanmu songon pamasumasu ni Tuhan di si Abraham jana sai ho ma nampuna tano na niingananmon, tano na dung dipahot ni Debata tu si Abraham!”

PAMUNGKAAN 28:4 ပူးပေါင်းရင်းမြစ်များ

PAMUNGKAAN 12:7

Dipatidahon Tuhan ma diriNa tu si Abram jana didok ma, “Luat on ma da na giot lehenonKu di pomparanmu.” Jadi dipajongjong ia ma sada langgatan di inganan i di Tuhan na patidahon diriNa tusia.

PAMUNGKAAN 15:8

Tapi disapai si Abram ma, “Iale Tuhan Debata, bia ma hubaen mamboto paboa na giot au nampuna tano i?”

PAMUNGKAAN 27:33

Mamungka ma humitir sude pamatang ni si Ishak, jana disapai ia ma, “Anggo songon i, ise dehe nangkin na marburu binatang i jana na mangalehen di au? Ma sanga hupangan nangkin dompak so ro ho. Jadi ma sanga hupasahat pasupasungku na parpudi tusia, jana gabe ia puna noma pasupasu i salolot-lolotna.”

PAMUNGKAAN 37:1

Torus di Luat Kanaan noma si Jakob maringanan i ma inganan ni amangnia hian.

1 JUJUR TAON 29:15

Diboto Ho do ale Tuhan, laing songon angka ompunami do, hami pe laing songon halak na ro do jana paisolat. Songon halinu na mamolus do ngolunami, jana nada tarbaen malua hami sian hamatean.

MASMUR 39:12

Tangihon ma ale Tuhan, tangiang pangidoanku; parrohahon ma ilu-ilungku, ulang ma hohom Ho tu au. Laing songon angka daompung na umpompar au, hum sangombas sajo do manompang tu Ho au.

MASMUR 72:17

Sai taringot ma di roha sapanjangna goarnia, manahan ma habonggalonna salolot adong mataniari. Sai dihalungunkon angka jolma ma nian dipasupasu songon ia, dohot sude bangso mandok ‘na martua ma da ia’.

HARURUAR 6:4

Hubaen muse do parjanjian dohot halahi. Madung Hujanjihon na giot lehenonKu tano Kanaan di halahi, luat inganan ni halahi najolo songon halak sileban.

GALATIA 3:14

Dibaen Kristus Jesus pe songon i anso laing dilehen do tu angka bangso na asing pasupasu na nijanjihon ni Debata tu si Abraham i. Dung i hita na porsaya tu Debata, tola ma manjagit Tondi na nijanjihon ni Debata i.

GALATIA 3:8

Madung diida Buku Na Badia i hian do na dung dilehen Debata dalan anso mardenggan mangulahi angka halak na so Jahudi dohot Debata, muda porsaya halahi tu Debata. Tu si Abraham do parjolo dipaboa Jamita Na Denggan i, di bagasan janji on, “Markite-hite ho, pasupasuon ni Debata ma sandok bangso na di ginjang tano on.”

EPESUS 1:3

Pinuji ma Debata, Ama ni Tuhanta Jesus Kristus! Dipasupasu Ia do hita dohot sude ragam-ragam ni pasupasu partondion sian banua ginjang, hara ni na dung mardomu i hita dohot Kristus.