PAMUNGKAAN 28:21 - BIBEL JAMITA NA DENGGAN

²¹ di au lopus mulak au tu bagas ni damang horas torkis, Ho ma gabe Debatangku.

PAMUNGKAAN 28:21 ပူးပေါင်းရင်းမြစ်များ

2 SAMUEL 15:8

Harana dompak na di Gesur na di Siria i au maringanan, marjanji do au tu Tuhan mandok, muda dipaloas Tuhan au mulak tu Jerusalem, angkon kehe do au maribadat tuSia di Hebron.”

2 SAMUEL 19:24

Ro muse ma dohot si Mefiboset pahompu ni si Saul mangalo-alo raja i. Nada marbasu pat ia nada dicukur ia janggutnia, jana nada dibasu ia pakeannia mamungka sian na kehe Raja Daud manadingkon Jerusalem lopus mulak ia maroban hamonangan.

2 SAMUEL 19:30

Dung i dialusi si Mefiboset ma, “Antong padiar ma dibuat si Ziba i sudena. Madung sonang huhilala dibaen madung mulak raja i di bagasan hahorasan.”

2 RAJA-RAJA 5:17

Jadi didok si Naaman ma, “Anggo laing na so ra do tuan i manjagit silehen-lehenkon, paloas ma au mulak maroban tano sabahat ni boban ni sapasang bagal. Harana mamungka saonnari hum tu Tuhan sajo noma au manghaulkon haul jana nada be anggo tu debata na asing.

1 JUJUR TAON 4:10

Tapi martangiang ma si Jabes tu Debata na nisomba ni halak Israel, ning ia ma, “O Debata, pasupasu ma au jana sugari pabidang ma nian luat di au. Jagohon ma au jana padao ma parmaraan anso ulang marhancit au.” Jana tulus do tangiangnia i dibaen Debata.

HARURUAR 15:2

Tuhan do na gogo mangondihon au sasadaSa do na dung paluahon au. Ia do Debatangku, pujionku ma Ia, Debata ni daompung, huendehon ma hagodanganNa.

PANGARATAION 26:17

Di ari sadari on, madung dioku hamu Tuhan do Debatamunu. Madung dijanjihon hamu laho mangoloi tuSia dohot patuluskon sude aturan dohot parentaNia.

HAKIM-HAKIM 11:31

jana mulak au maroban hamonangan, sanga na ise parjolo ruar sian bagasku laho mangalo-alo au, pasahatonku ma i gabe haul situtungon tu Tuhan.”