PAMUNGKAAN 28:18 - BIBEL JAMITA NA DENGGAN

¹⁸ Ancogotna i andostorang dope, ngot ma si Jakob, dibuat ia ma batu na niparbantalnia i, dipajongjong ia ma i gabe batu parningotan. Dung i diduruskon ia ma miak zetun tu ginjang ni batu i laho mambaensa gabe hapunjungan ni Debata.

PAMUNGKAAN 28:18 ပူးပေါင်းရင်းမြစ်များ

PAMUNGKAAN 21:14

Manyogotna i dipasahat si Abraham ma tu si Hagar saotik sipanganon dohot aek di bagasan kantongan kulit anso adong bohal di dalan. Dipaompahon ia ma dakdanak i tu tanggurung ni si Hagar jana disuru ia ma kehe anakboru i. Jadi kehe ma si Hagar jana madangadang ma ia di padang parhorsihan Berseba.

PAMUNGKAAN 22:3

Manyogotna i dung torang ari, ditahai si Abraham ma soban baen tu haul situtungon i, dibobok ia ma i dibaen ia tu tanggurung ni halodenia. Dioban ia ma si Ishak dohot dua halak hatobannia, jadi kehe ma halahi mandapotkon inganan na nidok ni Debata i tu si Abraham.

PAMUNGKAAN 28:11

Di na sundut mataniari, lalu ma ia tu sada inganan, disi ma ia marborngin. Dipapodom ia ma disi, marbantalkon sada batu.

PAMUNGKAAN 31:13

Au do Debata na pataridahon diringKu tu ho di Betel. Madung dibaen ho disi sada batu gabe hapunjunganKu, di na niusehonmu miak zetun di ginjang ni batu i. Laing marsumpa do ho tu Au disi. Saonnari marhobas ma ho jana mulak ma ho tu luat hatubuanmu.’ ”

PAMUNGKAAN 31:45

Dung i dibuat si Jakob ma sada batu, dipajongjong ia ma i gabe batu parningotan.

PAMUNGKAAN 35:14

Di inganan ni Debata na mandok hata i tu si Jakob, dipajongjong si Jakob ma sada batu parningotan. Jana dibaen ia ma i gabe hapunjungan ni Debata, di na niusehonnia anggur dohot miak zetun di ginjangna i. Songon i ma dibaen ia laho mambaen batu gabe hapunjungan ni Debata.

PAMUNGKAAN 35:20

Dipajongjong si Jakob ma sada batu parningotan disi, jana lalu tu saonnari laing tanda dope kuburan ni si Rahel hara ni batu i.

2 SAMUEL 18:18

Taran di ngolu ni si Absalom dope, na dung dipajongjong ia humani do disia sandiri sada tugu di Rura Raja, angke nada adong anak halaklahi disia laho paudutkon pomparan disia. Dibaen ia ma goar ni tugu i mangihutkon goarnia sandiri, jana lalu tu sadari on laing na habotoan do tugu i, tugu ni si Absalom.

MASMUR 119:60

Huompoti nada pola hupalalap laho mandalankon parentaMu.

PARJAMITA 9:10

Karejohon ma sude karejomu sagogomu. Angke nada adong be naron sipikiran dohot karejo. Nada adong ilmu sanga bisuk anggo di inganan ni na mate. Jana marayak tusi do ho kehe.

JESAYA 19:19

Anggo di hatiha i adong noma sada langgatan di Tuhan ingananna di tonga-tonga ni Luat Mesir, jana di parbatasan ni Mesir i adong sada tiang na nibaen hasurungan ni Tuhan.

BILANGAN 7:1

Di ari hasisidung ni Bandar Parmianan Ni Tuhan i dipajongjong si Musa, dipasahat ia ma Bandar i dohot sude parkokasna tu Tuhan i marhite upacara pamiahion. Laing songon i dibaen halahi tu langgatan i dohot tu parkokasna.

JOSUA 4:9

Di tonga-tonga ni Jordan i muse, disusun si Josua ma dua bolas batu diinganan hajongjongan ni angka malim na mamorsan Poti Parjanjian i. (Laing disi dope angka batu i lopus tu sadari on.)

1 SAMUEL 7:12

Dung i dibuat si Samuel ma sada batu, dipajongjong ia ma batu i di parbalohan ni Mispa dohot Sen. Didok ia ma, “Diurupi Tuhan do hita sapanjang pardalananta,” – jana digoari ia ma batu i “Eben-Haeser, Batu Pangurupion”.