PAMUNGKAAN 28:16 - BIBEL JAMITA NA DENGGAN

¹⁶ Jadi tarsunggul ma si Jakob jana didok ia ma, “Dison, di inganan on do Tuhan, tapi on dope anso huboto!”

PAMUNGKAAN 28:16 ပူးပေါင်းရင်းမြစ်များ

1 RAJA-RAJA 3:15

Dung ngot, diboto si Salomo ma, hape Debata do na mangkatai dohot ia di bagasan nipi. Dung i kehe ma ia tu Jerusalem jongjong di jolo ni Poti Parjanjian ni Tuhan laho manghaulkon haul situtungon dohot haul haluaan. Dung salpu i dibaen ia ma pesta di sude pagawenia i.

JOB 33:14

Haru pe mandok hata Debata marhite ragam ni dalanNa umpe sahalak na manangihon na nidokNa.

JOB 9:11

Mamolus Ia di jolongku, hape nada huida; mamolus Ia sian lambungku, hape nada tangkas diiba.

MASMUR 139:7

Tu dia ma au kehe anso malua sian kuasoMu? Tu dia ma lojonganku anso dao sian joloMu?

MASMUR 68:35

Homang ma da roha mida tangan ni Debatanta muda ruar Ia sian parmiananNia. Dilehen Debata ni Israel do di bangsoNia hagogoan dohot kuasoNa. Puji-pujian ma di Debata!

HARURUAR 15:11

Tuhan, ise ma sian angka debata sileban na tudos dohot Ho? Di sangap dohot di habadiaan, ise manyalpui Ho? Ise tarbaen patupa angka hahomangan dohot angka karejo na godang songon na binaenMu?

HARURUAR 3:4

Dung diida Tuhan si Musa donok tu inganan i, pio-pio ma Tuhan sian tonga-tonga ni ramba i, “Musa! Musa!” “Olo dison do au,” ning si Musa mangalusi.

HARURUAR 3:5

Dung i didok Debata ma, “Ulang padonok. Buka solopmi, angke di tano na badia do ho na jongjong on.”

JESAYA 8:13

Ingot ma, anggo Au Tuhan Na Markuaso, na badia do. Hum Au sajo do angkon sihabiaranmu.

JEREMIA 31:26

Dokkonon ni halak ma di hatiha i, ‘Dung sinok au tarpodom, togar ma huhilala.’

BILANGAN 12:6

didok Tuhan i ma, “Tangihon hamu ma sanga aha na giot dohononKu! Muda adong angka panurirang di tonga-tongamunu, giot Hupatidahon diringKu tu halahi di bagasan parnidaan, jana mangkatai Au dohot halahi markite-hite nipi.

JOSUA 5:13

Jadi dompak di lambung ni Jeriko si Josua, ompot ma diida ia sada bayo na jongjong di jolonia manyintak podang. Didapotkon si Josua ma bayo i lalu disapai ia, “Dongan dehe ho sanga na alo?”

JOSUA 5:15

Dialusi panglima ni tentara ni Tuhan i ma, “Buka sipatumi, tano na badia do tano na nijongjonganmi.” Jadi gabe dibuka si Josua ma sipatunia.