PAMUNGKAAN 28:13 - BIBEL JAMITA NA DENGGAN

¹³ Jana di lambungna i jongjong ma Debata mandok, “Au ma da Debata na nisomba ni si Abraham dohot si Ishak. LehenonKu ma di ho dohot di pomparanmu tano inganan na nipodomanmon.

PAMUNGKAAN 28:13 ပူးပေါင်းရင်းမြစ်များ

PAMUNGKAAN 12:7

Dipatidahon Tuhan ma diriNa tu si Abram jana didok ma, “Luat on ma da na giot lehenonKu di pomparanmu.” Jadi dipajongjong ia ma sada langgatan di inganan i di Tuhan na patidahon diriNa tusia.

PAMUNGKAAN 13:15

lehenonKu ma tu ho dohot tu pomparanmu sude tano na niidami anso gabe ho nampunasa salolot-lolotna.

PAMUNGKAAN 13:17

Saonnari pe, kehe ma ho, haliangi ma sude tano i harana na giot lehenonKu ma i di ho.”

PAMUNGKAAN 15:1

Dung i dijagit si Abram ma sada halumbaan, jana dibege ia ma Tuhan mandok tusia, “Ulang ho mabiar Abram, Au do mangondingi ho sian parmaraan, jana lehenonKu ma tu ho upa bahat.”

PAMUNGKAAN 15:18

Laing di hatiha i ma dibaen Tuhan parjanjian dohot si Abram. Ninna Tuhan ma, “Marjanji ma Au laho mangalehen tano on sudena di pomparanmu, mamungka sian batas ni Luat Mesir lopus tu Batang aek Efrat,

PAMUNGKAAN 26:24

Jadi borngin i dipataridahon Debata ma diriNa tusia mandok, “Au ma da Debata ni amangmu si Abraham. Ulang ho mabiar. Au do mandongani ho. PasupasuonKu ma ho jana lehenonKu ma tu ho bahat pomparanmu hara ni janjingKu tu naposongKu si Abraham.”

PAMUNGKAAN 26:3

Hudongani pe ho jana Hupasupasu. LehenonKu do di ho dohot di pomparanmu sude banua on. GohanKu do janji na dung Hupasahat tu si Abraham amangmi.

PAMUNGKAAN 28:4

Sai dipasupasu Tuhan ma ho dohot pomparanmu songon pamasumasu ni Tuhan di si Abraham jana sai ho ma nampuna tano na niingananmon, tano na dung dipahot ni Debata tu si Abraham!”

PAMUNGKAAN 31:13

Au do Debata na pataridahon diringKu tu ho di Betel. Madung dibaen ho disi sada batu gabe hapunjunganKu, di na niusehonmu miak zetun di ginjang ni batu i. Laing marsumpa do ho tu Au disi. Saonnari marhobas ma ho jana mulak ma ho tu luat hatubuanmu.’ ”

PAMUNGKAAN 31:42

Sugari sura na so nidonganan ni Debata ni daompung au, i ma Debata na nisomba ni si Abraham dohot si Ishak, ma pasti rumar tanganku paorotonmu. Tapi madung diparrohahon Debata hasusaanki dohot parkarejoan na dung hubaen i, jana napotangin, madung dilehen Ia haputusanNa.”

PAMUNGKAAN 31:5

Jadi didok si Jakob ma tu halahi, “Huida nada songon na salpu-salpu i be rama ni amanta tu au; tapi Debata na nipasomba-somba ni damang i do mandongani au.

PAMUNGKAAN 31:53

Debata na nisomba ni si Abraham jana na nisomba ni damang si Nahor ma na gabe panguhum di hita.” Dung i marjanji muse ma si Jakob mangasahon goar ni Debata na nisomba ni si Ishak amangnia i jana marsumpa ma ia paboa na marsitutu do ia maniop janji i.

PAMUNGKAAN 32:10

Nada patut au manjagit sude holong ni roha dohot haburjuon na dung nipatuduhonMi tu au di na kehe au manaripari Batang aek Jordan, nada maroban bagi aha au asing sian tungkotku. Saonnari ro au mangulahi rap dohot na dua rombongan on.

PAMUNGKAAN 32:9

Dung i martangiang ma si Jakob, “O, Debata na nisomba ni daompung si Abraham, jana na nisomba ni damang si Ishak, tangihon ma au! Ho do na marsuru au ale Tuhan, anso mulak au mangulahi tu luatku dohot tu angka koum sisolkotku. Jana dijanjihon Ho do na aturonMu sude angka na denggan di au.

PAMUNGKAAN 35:1

Sanoli didok Debata ma tu si Jakob, “Au ma da Debata na pataridahon diringKu tu ho di na lari i ho sian angkangmu si Esau. Ompoti ma kehe tu Betel. Disi ma ho maringanan jana pajongjong ma sada langgatan di Au.”

PAMUNGKAAN 35:12

Luat na dung hulehen tu si Abraham, tu si Ishak, hulehen ma i di ho dohot di pomparanmu.”

PAMUNGKAAN 35:15

Digoari si Jakob ma inganan i “Betel”.

PAMUNGKAAN 35:17

Dompak di hahancitanna dihilala ia, didok bidan i ma tusia, “Ulang ho mabiar da Rahel, laing halaklahi do anakmon.”

PAMUNGKAAN 46:3

“Au do Debata, Debata na nisomba ni amangmu,” ninna. “Ulang pola mabiar ho kehe tu Mesir. BaenonKu ma gabe bangso na godang pomparanmu disi.

PAMUNGKAAN 48:3

Didok si Jakob ma tu si Josep, “Madung dipataridahon Debata Na Markuaso i diriNa tu au di Lus na di tano Kanaan jana ma dipasupasu Ia au.

1 JUJUR TAON 16:16

Dohot si Abraham do dibaen Ia janji i, tapi dohot do tu si Ishak,

1 JUJUR TAON 16:18

“Hulehen di ho tano Kanaan gabe tano teanan,” ninna Tuhan.

MASMUR 105:11

Ning Ia do, “LehenonKu ma di ho tano Kanaan baen tean-teanan.”

HARURUAR 2:24

Dibege Debata do angguk-angguk ni halahi, jana diingot Ia do janjiNa tu si Abraham, si Ishak dohot si Jakob.

HARURUAR 3:6

Didok Debata ma muse, “Au do Debata ni ompumu, Debata ni si Abraham, si Ishak dohot si Jakob.” Gabe ditutupi si Musa ma bohinia, dibaen biarnia marnida Debata.

HARURUAR 4:5

Ninna Debata ma, “Baen ma songon i mambuktihon tu halak Israel bahaso Au do, Tuhan Debata ni ompu ni halahi, Debata ni si Abraham, si Ishak dohot si Jakob na dung ro manopot ho.”

HARURUAR 6:4

Hubaen muse do parjanjian dohot halahi. Madung Hujanjihon na giot lehenonKu tano Kanaan di halahi, luat inganan ni halahi najolo songon halak sileban.

HARURUAR 6:7

Gabe bangsongKu ma hamu baenonKu jana Au gabe Debatamunu. Anso diboto hamu, Au do Tuhan Debatamunu di na Hupalua hamu sian parhatobanon di Mesir.

JEHESKIEL 28:25

Didok Tuhan Debata i ma, “Giot palagutonKu ma angka halak Israel sian angka luat na dao inganan na Hubaen parserahan ni halahi, jana botoon ni sude bangso ma bahaso Na Badia do Au. Maringanan di tanona sandiri noma bangso Israel, i ma tano na dung Hulehen tu naposongKu si Jakob.

AMOS 7:7

Dapotan parnidaan muse ma au sian Tuhan. Huida ma Ia jongjong di lambung ni sada tembok na dipajongjong mamake tali sipat. Di tanganNia adong tali sipat laho mangaligi sanga na tigor do tu ginjang parjongjong ni tembok i sanga nada.

MATEUS 22:32

‘Au do Debata ni si Abraham, Debata ni si Ishak dohot Debata ni si Jakob.’ Inda Debata ni halak na mate anggo Debata, Debata ni halak na mangolu do Ia!”

BAENON NI ANGKA RASUL 7:5

Anggo di hatiha i, hum saotik pe nada adong dope luat on na nilehen ni Debata di si Abraham gabe nampunania; santompap pe nada adong dilehen disia. Tapi marjanji do Debata paboa na angkon lehenonNia do i tu si Abraham gabe nampunania dohot pomparannia. Nada adong dope dakdanak ni si Abraham hatiha i.

PANGARATAION 1:8

Ingot ma; Au do Tuhan na dung manjanjihon sude tano i tu ompumunu si Abraham, si Ishak dohot si Jakob maradu tu pomparan ni halahi. Antong, kehe ma hamu, jana ingani hamu ma luat i.’ ”

PANGARATAION 34:4

Dung i didok Tuhan ma tu si Musa, “On ma da tano na Hujanjihon i tu si Abraham, si Ishak dohot si Jakob sipasahaton tu pomparan ni halahi. Hupatidahon do i tu ho Musa, tapi nada Hupatola ho kehe tusi.”

PANGARATAION 9:5

Dipadiar Tuhan hamu mambuat tano ni halahi i, dibaen por ni rohaNia do patulus janjiNia dohot ompumunu si Abraham, si Ishak dohot si Jakob.

IBRANI 11:16

Hape anggo saonnari, luat na dumenggan do na nijalahan ni halahi, i ma banua ginjang. Hara ni i ma umbaen na so pola ila roha ni Debata nigoaran Ia Debata ni halahi, angke madung dipasingkop Debata sada kota di halahi.