PAMUNGKAAN 27:46 - BIBEL JAMITA NA DENGGAN

⁴⁶ Jadi didok si Ribka ma tu si Ishak, “Loja do da au paida-ida angka ripe ni si Esau na sian boru ni bangso na asing i. Anggo dohot noma si Jakob muse mambuat boru ni halak Het, gumonan noma da mate iba.”

PAMUNGKAAN 27:46 ပူးပေါင်းရင်းမြစ်များ

PAMUNGKAAN 24:3

Sumpahon ma mangasahon goar ni Tuhan, Debata na mangarajai langit dohot tano, bahaso na so jalahanmu boru sian halak tano Kanaan on di si Ishak anakki.

PAMUNGKAAN 28:8

Jadi baru pe anso diboto si Esau, hape na so tumbuk do di roha ni amangnia si Ishak boru Kanaan,

1 RAJA-RAJA 19:4

jana kehe ma ia dalanan pat sadari daona tu parhorsihan jana maradian ma ia di toru ni hayu na rumbun. Juguk ma ia disi jana gumonan noma mate ning rohania. “Nada tahan au be on Tuhan,” ning ia tu Tuhan. “Buat ma da hosangkon, dumengganan noma au mate!”

JOB 14:13

Paloas au martabuni di portibi ni halak na mate i. Linggomi ma au lopus di parmombun ni murukMu. Tapi tontuhon hatihana laho marningot tu diriniba.

JOB 7:16

Loja iba, ngongolan di ngolu, gumonan iba mate! Padiar ma au, angke ngoluniba soada diterge.

JUNUS 4:3

Saonnari ale Tuhan, padiar ma mate au, angke gumonan noma au mate ulang pado mangolu.”

JUNUS 4:9

Tapi didok Debata ma tusia, “Nada didalanna gabe songon i arsakmu hara ni suan-suanan i!” Didok si Junus ma mangalusi, “Biasi nada? Dalanna ma da au muruk sajo lopus mate.”

BILANGAN 11:15

Muda laing songon i do baenonMu Tuhan tu au, ibo ma rohaMu, gonan ma au bunu anso ulang hutaon be parkancitan na niampehonMon tu au.”