PAMUNGKAAN 27:35 - BIBEL JAMITA NA DENGGAN

³⁵ Didok si Ishak ma, “Na dung ro do anggimu tuson jana dipaoto-oto ia au. Madung dibuat ia pasupasu i, na giot tu ho hian do satutuna lehenonku.”

PAMUNGKAAN 27:35 ပူးပေါင်းရင်းမြစ်များ

PAMUNGKAAN 27:33

Mamungka ma humitir sude pamatang ni si Ishak, jana disapai ia ma, “Anggo songon i, ise dehe nangkin na marburu binatang i jana na mangalehen di au? Ma sanga hupangan nangkin dompak so ro ho. Jadi ma sanga hupasahat pasupasungku na parpudi tusia, jana gabe ia puna noma pasupasu i salolot-lolotna.”

PAMUNGKAAN 29:25

Dung ancogotna i pe anso diboto si Jakob, hapengani si Lea do na niparsaripenia i. Jadi kehe ma si Jakob tu si Laban mandok, “Biasi ma he songon i baenonmu tu au? Nada he anso si Rahel do di au umbaen na karejo au? Biasi dipaoto-oto ho au?”

2 RAJA-RAJA 10:19

Hara ni i palagut hamu ma jolo sude panurirang ni Baal dohot na manyombasa dohot angka malim-malimna; ulang adong sahalak pe na so dohot. Na giot pasahatonku do haul na godang di Baal. Sanga ise na so ro, mate ma niuhuman.” Tapi hum sada dalan ni si Jehu do on laho mamunu sandok na manyomba Baal.

JOB 13:7

Tola ma he mangasahon Debata, margabus iba? Bolas ma ulaning marbungkak laho tu haporluanNia?

JEREMIA 9:4

Angkon jamot do halak maradopkon donganna salang dongan saama pe nada haposan, angke songon si Jakob, laing songon i ma halahi marsipaoto-oto kahanggina. Pahae-pahulu ganop be pasarkon hata manilakoi dohot gabus.

MALEAKI 2:10

Inda he sisada ama hita on sude? Nada he sada do Debata na manompa hita on sude? Antong, biasi dehe marsiosean janji hita on? Biasi muse taose parjanjian na nibaen ni Debata dohot ompunta i?

2 KORINTUS 4:7

Tapi hami paoban-oban do arta partondion na jeges i di bagasan dirinami na so mararga on, i ma na nibaen sian tano. Jadi muda songon i, torang ma anggo hagodangan ni kuaso i marguru di Debata do, nada marguru di hami.

1 TESSALONIKA 4:6

Taringot tuson, ulang ma adong na mambaen sala tu donganna sanga na paoto-otohon. Na salpu i madung tangkas hami ondolkon di na hami paboa tu hamu, angkon uhuman ni Debata do angka halak na songon i pangalahona.