PAMUNGKAAN 27:33 - BIBEL JAMITA NA DENGGAN

³³ Mamungka ma humitir sude pamatang ni si Ishak, jana disapai ia ma, “Anggo songon i, ise dehe nangkin na marburu binatang i jana na mangalehen di au? Ma sanga hupangan nangkin dompak so ro ho. Jadi ma sanga hupasahat pasupasungku na parpudi tusia, jana gabe ia puna noma pasupasu i salolot-lolotna.”

PAMUNGKAAN 27:33 ပူးပေါင်းရင်းမြစ်များ

PAMUNGKAAN 25:23

Didok Tuhan ma tusia, “Adong dua bangso di bagasan bortianmu; tubuhononmu ma dua bangso na marsialoan; gumogo do sianggian i sian angkangna oloan ni siangkaan i ma siampulan i.”

PAMUNGKAAN 27:35

Didok si Ishak ma, “Na dung ro do anggimu tuson jana dipaoto-oto ia au. Madung dibuat ia pasupasu i, na giot tu ho hian do satutuna lehenonku.”

PAMUNGKAAN 28:1

Dung i dipiohon si Ishak ma si Jakob, dijalang ia ma jana didok ia, “Ulang alap boru Kanaan.

JOB 21:6

Muda hupasari-sari na masa tu iba, humitir ma au hara ni jorbutna.

JOB 37:1

Bade i ma mambaen taroktokku humitir dohot ate-ateniba gumadobur.

MASMUR 55:5

Didondoni biar do au jana humitir, dirongomi pangkilalaan na manyikur.

BILANGAN 23:20

Disuru do au mamasumasusa, jana muda dipasupasu Debata nada tartarik au mulak.

JOHANNES 10:10

Anggo panangko, na giot manangko sajo do i muda ro, mamatehon dohot manyegohon. Tapi anggo Au muda ro, anso marhangoluan do halahi – i ma hangoluan na marlobi-lobi.”

SURAT NI SI PAULUS TU PARLAGUTAN ROM 11:29

Dibaen nada disolsoli Debata rohaNia, taringot tu na nilehen dohot na nipiohonNia.

EPESUS 1:3

Pinuji ma Debata, Ama ni Tuhanta Jesus Kristus! Dipasupasu Ia do hita dohot sude ragam-ragam ni pasupasu partondion sian banua ginjang, hara ni na dung mardomu i hita dohot Kristus.

IBRANI 11:20

Hara ni na porsaya, dijanjihon si Ishak do pasupasu tu si Jakob dohot si Esau di hatiha na giot ro.