PAMUNGKAAN 27:29 - BIBEL JAMITA NA DENGGAN

²⁹ Sai gabe naposomu ma da angka bangso na marragam, jana talu ma maradopkon ho angka marga ni bangso na asing. Sai rajaanmu ma sude angka kahanggimu jana marsomba di jolomu ma pomparan ni inangmu. Sai hona bura ma sanga ise na mamurai ho jana tarpasupasu ma sanga ise na mamasumasu ho.”

PAMUNGKAAN 27:29 ပူးပေါင်းရင်းမြစ်များ

PAMUNGKAAN 12:3

PasupasuonKu ma sanga ise na mamasumasu ho. Tapi buraanKu ma sanga ise na mamurai ho. Jana hara ni ho, pasupasuonKu ma sude angka bangso na di tano on.”

PAMUNGKAAN 25:33

Didok si Jakob ma, “Sumpahon ma jolo paboa na nilehenmu di au hakmi.” Marsumpa ma si Esau jana dilehen ia ma haknia i tu si Jakob.

PAMUNGKAAN 27:30

Dung sidung dilehen si Ishak pasupasunia i; jana disi kehe si Jakob, mulak ma si Esau angkangnia i sian parburuan.

PAMUNGKAAN 27:37

Dialusi si Ishak ma, “Madung hubaen ia gabe tuanmu, jana sude kahangginia hubaen do gabe naposonia. Madung hulehen disia gandum dohot anggur. Saonnari nada adong be na tarpatupa au di ho, amang!”

PAMUNGKAAN 27:40

Sian podangmi ma ho mangolu. Tapi laing naposo ni anggimu do ho. Tapi muda mangarunta ho, malua ma ho sian kuasonia.”

PAMUNGKAAN 37:10

Dicaritohon ia muse do nipinia i tu amangnia jana dipaingot amangnia ma ia, ninna, “Nipi aha i? Ning rohamu ro ma au, inangmu dohot angka angkangmu marsomba tu ho?”

PAMUNGKAAN 37:7

Marnipi au, hatiha di ladang hita sude manambati angka sagean ni gandum, jadi gabe jongjong ma da sagean ni gandum na hutambati i tigor. Anggo angka na nitambatanmunu i markaliang ma tu na hutambat i marsomba.”

PAMUNGKAAN 9:27

Sai ditambai Debata ma pasupasu tu si Jafet. Jana mur mabidang ma inganannia. Sai rap sauduran ma pomparannia dohot pomparan ni si Sem. Hatoban ni si Jafet noma si Kanaan.”

1 RAJA-RAJA 22:47

Diagohon ia do sian harajaannia i sude halaklahi dohot dadaboru na so ture na mangoloi di angka langgatan ni gana-ganaan na laing tading sian tingki ni si Asa, amangna i.

1 RAJA-RAJA 4:21

Sude bangso mamungka sian Batang aek Efrat lalu tu Pilistin dohot parbatasan ni Mesir, masuk ma i tu harajaan ni si Salomo. Tunduk do angka bangso i jana manggarar pajak tusia salolot mangolu ia.

1 JUJUR TAON 5:2

Tapi sian sudena pomparan ni si Jakob Marga Juda ma na gumogo jana angka raja ni bangso Israel pe marasal sian marga i muse do.)

MASMUR 72:8

Sian laut tu laut mur mabidang ma harajaanna sian Batang aek Efrat lalu tu ujung ni portibi.

JESAYA 45:14

Ninna Tuhan ma tu Israel: “Buat ma di ho arta ni Mesir dohot Sudan. Angka halak Seba na tongam i gabe hatoban, mardalan di pudimu halahi marrante-rante. Marsomba ma halahi, lalu dokkononna, ‘Debata mandongani ho; hum Ia do tutu Debata!

JESAYA 49:23

Gabe songon ama di ho angka raja, jana angka ratu songon ina. Marsomba ma halahi tu ho lopus dais bohina tu tano jana mandilat abu ni patmu. Hara ni i botoonmu ma bahaso Au do Tuhan, angka halak na mararop ni roha di Au nada dipaila.”

JESAYA 49:7

Maradopkon halak na tarlobi dipalayas, jana na nihagigihon ni angka bangso, boti na gabe naposo ni angka parkuaso, didok Debata Sipalua ni Israel: “Idaon ni angka raja ma pambaenanKu; jongjong ma halahi mamparsangapi Au. Laing idaon ni angka parkuaso muse ma i, lalu marsinggang ma marsomba halahi.” Tarjadi ma sudena i hara ni Tuhan na setia, Debata Na Badia ni Israel madung manodo naposoNa.

JESAYA 60:12

Bangso na so ra marpangoloion tu ho gabe sisoada do.

JESAYA 60:14

Ro ma angka dakdanak ni na mamparkanciti ho marsomba tu jolomu na dung jungada mangalayasi ho mamparsangapi jana tunduk, ‘Sion, Kota Ni Debata Na Badia ni Israel’, ‘Kota Ni Tuhan’, songon i ma ho nigoaran.

JESAYA 9:7

Mur tu godangna do kuasonia, jana tongtong dame harajaannia. Ia ma raja na songon panggonti ni si Daud, marojakan tu hatigoran dohot hasintongan do harajaannia sian mulai saonnari lalu tu salolotna. Angkon tulus sudena i baenon ni Tuhan Na Markuaso i.

BILANGAN 23:8

Patut ma he au mamurai, anggo so diburai Tuhan? Patut ma he au manguhumi i, anggo so diuhum Tuhan?

BILANGAN 24:18

Tano Edom gabe nampuna ni musuna, tapi halak Israel laing tontong do mangkarejohon karejo na marsahala.

BILANGAN 24:9

Anggo bangso Israel i na gogo do tarsongon singa, ise muse ma he na puluk mangganggusa andigan disia hatiha maradian? Sanga ise mamasumasu halak Israel, ia pe dipasupasu barang ise na mamurai Israel, ia pe hona bura.”

MATEUS 25:40

Alusan ni Raja i ma, ‘Ingot hamu ma on: Hatiha dibaen hamu songon i tu sada halak sian angka kahanggingKu na umdangol i, etongon na tu Au do i dibaen hamu!’

MATEUS 25:45

Alusan ni Raja i ma, ‘Tangkas ma jolo tangihon hamu: Di na so ra hamu mangurupi sahalak sian na umdangol on, etongon na so ra do hamu mangurupi Au.’

SURAT NI SI PAULUS TU PARLAGUTAN ROM 9:12

madung didokkon tu si Ribka, “Oloan ni na gumodang i do na ummenek i.”

HALUMBAAN 19:16

Tarsurat do di baju jubaNia dohot di hae-haeNia i goar on, “Raja ni sasude raja jana Tuan ni sude tuan.”