PAMUNGKAAN 27:19 - BIBEL JAMITA NA DENGGAN

¹⁹ Ning si Jakob ma, “Si Esau do au, anakmu siangkaan; madung tulus hubaen na nidok ni amang nangkin. Pajuguk ma da amang anso pangan juhut na huoban on, anso pasupasu au.”

PAMUNGKAAN 27:19 ပူးပေါင်းရင်းမြစ်များ

PAMUNGKAAN 25:25

Songon na rara tompa ni siangkaan i jana songon baju na marimbulu do huling-kulingna i. Hara ni i, digoari ma i si Esau.

PAMUNGKAAN 25:28

Humolong do roha ni si Ishak mida si Esau, harana hagiot ni si Ishak do mangankon juhut ni binatang na niburu. Tapi anggo si Ribka tu si Jakob do humolong rohania.

PAMUNGKAAN 27:18

Dung salpu i, kehe ma si Jakob mandapotkon amangnia i, didok ia ma, “O Amang!” “Olo,” ning si Ishak mangalusi, “Ise dehe ho, si Esau do sanga si Jakob?”

PAMUNGKAAN 27:21

Jadi ning si Ishak ma tu si Jakob, “Padonok ma jolo anso tarapus au ho. Tutu dehe ho si Esau?”

PAMUNGKAAN 27:31

Dilompa ia muse ma sipanganon na tabo lalu dioban ia ma tu amangnia i. Ning ia ma, “Juguk bo jolo amang. Dipangan amang bo juhut na huoban on di amang, anso tarpasupasu amang au.”

PAMUNGKAAN 27:35

Didok si Ishak ma, “Na dung ro do anggimu tuson jana dipaoto-oto ia au. Madung dibuat ia pasupasu i, na giot tu ho hian do satutuna lehenonku.”

PAMUNGKAAN 27:4

Tabo ma jolo lompa hagiotku, jadi oban ma tu au. Dung hupangan i, lehenonku ma pasupasungku na parpudi tu ho painte so marujung ngolungku.”

PAMUNGKAAN 27:45

jana dilupahon ia sude sanga aha na nibaenmu tusia. Dung i husuruhon pe halak laho mangalap ho mulak tuson. Nada ringkot rohangku muda agoan anak au dua-dua di bagasan sada ari.”

1 RAJA-RAJA 13:18

Gabe margabus ma panurirang na matobang na sian Betel i didok ma tusia, “Au pe laing panurirang do songon ho. Na dung diparentahon Tuhan do sahalak surusuruan marsuru au mangalap dohot manjagit ho di bagasku.”

1 RAJA-RAJA 14:2

Didok si Jerobeam ma tu dadaborunia i, “Markobas ma ho anso kehe ho tu Silo. Dapotkon jolo Panurirang Ahia na mandok na salpu i, na giot gabe raja ni Israel au. Tapi pauba ma pamakemu anso ulang ditanda halak ho.

JESAYA 28:15

Maginjang ma rohamunu hara ni na dung mambaen parjanjian dohot hamatean dohot na dung satahi hamu dohot kuburan. Madung pasti di pangkilalaanmunu na so hahuaon ni parmaraan na giot ro i be hamu, umbaen na mamake tipu akal hamu laho manjagohon dirimunu.