PAMUNGKAAN 27:13 - BIBEL JAMITA NA DENGGAN

¹³ Dialusi inangnia i ma, “Ulang pola ganggu rohamu da amang. Au pe mananggung sude burania i, sandok baen sajo ma sanga aha na hudok, kehe ma ne ho mangalap angka hambeng i.”

PAMUNGKAAN 27:13 ပူးပေါင်းရင်းမြစ်များ

PAMUNGKAAN 25:23

Didok Tuhan ma tusia, “Adong dua bangso di bagasan bortianmu; tubuhononmu ma dua bangso na marsialoan; gumogo do sianggian i sian angkangna oloan ni siangkaan i ma siampulan i.”

PAMUNGKAAN 25:33

Didok si Jakob ma, “Sumpahon ma jolo paboa na nilehenmu di au hakmi.” Marsumpa ma si Esau jana dilehen ia ma haknia i tu si Jakob.

PAMUNGKAAN 27:14

Bulus kehe ma si Jakob mambuat hambeng i jana dioban ia ma tu inangnia. Dipature si Ribka ma panganon giot ni roha ni si Ishak.

PAMUNGKAAN 27:43

Jadi, oloi ma na hudok on amang. Kehe ma ho manigor tu ibotongku si Laban, di Haran.

PAMUNGKAAN 27:8

“Antong amang tangihon ma na hudok on jana patulus,” “ning si Ribka manambai.

PAMUNGKAAN 43:9

Ngolungkon ma hupasahat jaminanna jana tu au ma dituntut amang tanggung jawab salaho tu hahorasan ni dakdanak i. Muda nada horas ia huoban mulak, au ma mananggung hasalaan lopus mate au.

2 SAMUEL 14:9

“Rajanami,” ning anakboru i, “Sanga aha pe na giot baenon ni raja i, laing au dohot isi ni bagasku noma na mananggung hasalaanna; anggo raja i dohot pangisi ni bagas ni raja i nada adong marsala.”

MATEUS 27:25

Dialusi halak na bahat i ma sude, “Padiar ma manginona tu hami dohot tu pomparannami mudarna i!”

1 SAMUEL 25:24

di pat ni si Daud, jana mandok hata tusia, “Tuannami, tangihon ma jolo! Padiar ma au sandiri mananggung hasalaan i!