PAMUNGKAAN 26:5 - BIBEL JAMITA NA DENGGAN

⁵ PasupasuonKu ma ho, hara ni na nioloan ni si Abraham Au jana ditiop ia togu uhum dohot haputusanKu.”

PAMUNGKAAN 26:5 ပူးပေါင်းရင်းမြစ်များ

PAMUNGKAAN 12:4

Di na marumur si Abram pitu pulu lima taon, bungkas ma ia sian Haran, hombar tu na nidok ni Tuhan tusia, rap kehe ma ia dohot si Lot.

PAMUNGKAAN 17:23

Laing di na sadari i dioloi si Abraham ma Debata, dipasunatkon ia ma si Ismael anaknia i dohot sude halaklahi na di bagasnia, dohot angka hatoban na sorang di bagasnia bope na nitobusannia.

PAMUNGKAAN 18:19

Na Hupili do ia anso diparentahon ia tu angka dakdanaknia dohot tu pomparannia anso oloanna Au bope patulusonna sanga aha na denggan dohot na tigor. Muda mangoloi halahi, gohanKu ma janjingKu tu si Abraham.”

PAMUNGKAAN 22:16

“Husumpahon mangasahon goarKu sandiri – paboa na angkon pasupasuonKu ma ho marlompit ganda. Dibaen madung dipatulus ho pangalaho on jana nada dijua ho laho pasahatkon anakmu na sasada i tu Au.

PAMUNGKAAN 22:18

Pangidoan ni sude bangso na di tano on ma tu Au anso Hupasupasu halahi – hara ni na nioloanmu parentangKu.”

PAMUNGKAAN 26:6

Jadi di Gerar ma si Ishak maringanan.

MATEUS 5:19

Hara ni i, sanga ise na mangalanggar sada sian angka Tona i, sanga na ummenekna i pe, dung i diajari ia muse halak na asing mambaen songon i, gabe na ummenek do sisongon i di bagasan Harajaan Ni Banua Ginjang. Tapi sabalikna, sanga ise na padalankon angka aturan i, dung i diajari ia muse halak na asing mambaen songon i, halak na godang do sisongon i di bagasan Harajaan Ni Banua Ginjang.

MATEUS 7:24

“Antong, sarupa ma tu halak na pistar na pajongjong bagasna di ginjang ni batu, sanga ise na manangihon bope na patuluskon angka hata nangkinan i.

1 KORINTUS 15:58

Hara ni i hamu ale angka dongan na nihaholongan, sai togu ma hamu jana hot. Marsitutu ma markarejo di Tuhan, angke diboto hamu do, sude na nikarejohonmunu di Tuhan, nada sayang boti sudena i.

GALATIA 5:6

Angke muda dung marsada hita dohot Kristus Jesus, nada pola parsoalan be na mangihutkon paraturan ni sunat sanga na so mangihutkon aturan i. Manghaporsayai Kristus sajo noma na porlu, jana tarida ma i di bagasan holong ni rohanta maradopkon halak na asing.

IBRANI 11:8

Hara ni na porsaya, gabe dioloi si Abraham Debata, di na nipio ni Debata ia jana disuru anso kehe tu luat na nijanjihon ni Debata tusia. Dung i kehe do si Abraham so pola diboto ia sanga na giot tudia ia kehe.

JAKOBUS 2:21

Ligi hamu ma ompunta si Abraham. Denggan ia dijagit Debata, hara ni pambaenannia do, i ma di na nihaulkonnia si Ishak anaknia i tu Debata di inganan parkaulan ni haul.