PAMUNGKAAN 26:34 - BIBEL JAMITA NA DENGGAN

³⁴ Di na marumur opat pulu taon si Esau, dialap ia ma boru dua halak sian marga ni bangso Het, i ma si Judit boru ni si Beeri dohot si Basmat boru ni si Elon.

PAMUNGKAAN 26:34 ပူးပေါင်းရင်းမြစ်များ

PAMUNGKAAN 24:3

Sumpahon ma mangasahon goar ni Tuhan, Debata na mangarajai langit dohot tano, bahaso na so jalahanmu boru sian halak tano Kanaan on di si Ishak anakki.

PAMUNGKAAN 27:46

Jadi didok si Ribka ma tu si Ishak, “Loja do da au paida-ida angka ripe ni si Esau na sian boru ni bangso na asing i. Anggo dohot noma si Jakob muse mambuat boru ni halak Het, gumonan noma da mate iba.”

PAMUNGKAAN 28:8

Jadi baru pe anso diboto si Esau, hape na so tumbuk do di roha ni amangnia si Ishak boru Kanaan,

PAMUNGKAAN 28:9

jadi kehe ma ia mandapotkon si Ismael anak ni si Abraham jana dibuat ia ma boru ni si Ismael, na margoar si Mahalat anggi ni si Nebayot.

PAMUNGKAAN 36:2

Angka boru Kanaan do dialap si Esau, i ma si Ada, boru ni si Elon halak Het; si Oholibama boru ni si Ana jana pahompu ni si Zibeon halak Hewi;

PAMUNGKAAN 36:5

jana si Oholibama manubuhon si Jeus, si Jaelam, dohot si Korah. Di Luat Kanaan do sude sorang dakdanak i.

HARURUAR 34:16

Muda dialap hamu boru ni halahi gabe parumaenmu, jana markarosuan ma angka daboru i mangihutkon debata ni halahi, gabe elek-elekon ni halahi ma angka anakmi anso dohot markarosuan mangihutkon debata ni halahi.

1 KORINTUS 7:2

Tapi anso ulang targoda di angka pangalaho na markarosuan, dumenggan do ganop halaklahi adong be dadaboruna, bope dadaboru adong be halaklahina sandiri.

IBRANI 12:16

Jagohon hamu ma anso ulang adong na gabe siparkamainan sanga na so mangargahon angka pangalaho na badia songon na nibaen ni si Esau. Digadis ia haknia songon anak siangkaan, hum hara ni samangkuk sipanganon.

1 SAMUEL 26:6

Dung i disapai si Daud ma si Ahimelek halak Het i, dohot si Abisai, anggi ni si Joab. (Si Zeruya do inang ni halahi), “Ise do na puluk masuk rap dohot au tu bagasan bandar ni si Saul i?” Dialusi si Abisai ma, “Au ma i!”