PAMUNGKAAN 26:27 - BIBEL JAMITA NA DENGGAN

²⁷ Marsapa ma si Ishak, “Biasi ulaning ro hamu saonnari mandapotkon au, hape nabaruon dimusui hamu au jana disuru hamu do au morot sian luatmunu i?”

PAMUNGKAAN 26:27 ပူးပေါင်းရင်းမြစ်များ

PAMUNGKAAN 26:14

Hara ni bahatna biri-birinia dohot lombu dohot angka naposonia, gabe mangiburu ma halak Pilistin i tusia.

PAMUNGKAAN 26:16

Dung i didok si Abimelek ma tu si Ishak, “Tadingkon ma da luatnami on. Ma gabe gumogo ho ulang hami.”

PAMUNGKAAN 26:28

Jadi ninna halahi ma mangalusi, “Saonnari madung hami boto hape na nidonganan ni Tuhan do ho jana didok rohanami, dengganan ma tabaen ihot-ihot ni parjanjian. Sumpahon ma,

BAENON NI ANGKA RASUL 7:14

Dung i disuru alap si Josep ma amangnia si Jakob dohot sude horongnia anso bungkas tu tano Mesir – pitu pulu lima halak ma halahi sudena.

BAENON NI ANGKA RASUL 7:27

Tapi dionjarkon na mamukul donganna i ma si Musa tu topi, didok ia ma, ‘Ise dehe lakna mambaen ho gabe pamimpin dohot panguhum di hami?

BAENON NI ANGKA RASUL 7:35

Si Musa on ma na nitulak ni halahi, di na nidok ni halahi, ‘Ise he na mambaen ho gabe pamimpin dohot panguhum di hami?’ Hapengani ia do muse na nisuru ni Debata gabe pamimpin dohot na paluahon, markite-hite pangurupi ni surusuruan na ro mandapotkon ia di tadatada i.

BAENON NI ANGKA RASUL 7:9

Tapi mangiburu do angka ompunta i tu si Josep, jabat digadis halahi ia gabe hatoban tu tano Mesir. Tapi Debata do dongannia,

HALUMBAAN 3:9

Ligi ma! Huboan ma tu hamu angka halak sian punguan ni Sibolis, angka na manggoari dirina halak Jahudi, hape nada tutu nian, pargabus do halahi. Baenonku ma halahi marsinggang di jolo ni patmu, jana botoon ni halahi ma na holong do rohangKu mida hamu.

HAKIM-HAKIM 11:7

Tapi dialusi si Jefta ma, “Inda he goyak sajo do rohamunu mida au. Ma jabat dipaksa hamu au manadingkon bagas ni damang. Biasi saonnari di hatiha hasusaan hamu, gabe ra hamu ro tu au?”