PAMUNGKAAN 26:2 - BIBEL JAMITA NA DENGGAN

² Dibaen ia songon i mardomu na dung dipataridahon Tuhan do diriNa tusia jana didok, “Ulang kehe ho tu Mesir, dison ma ho maringanan, laing songon na Hudokkon tu ho.

PAMUNGKAAN 26:2 ပူးပေါင်းရင်းမြစ်များ

PAMUNGKAAN 12:1

Didok Tuhan ma tu si Abram, “Tadingkon ma tano hagodanganmu, angka sisolkotmu dohot bagas ni amangmu, jana kehe ma ho mandapotkon luat na giot patuduhononKu tu ho.

PAMUNGKAAN 12:7

Dipatidahon Tuhan ma diriNa tu si Abram jana didok ma, “Luat on ma da na giot lehenonKu di pomparanmu.” Jadi dipajongjong ia ma sada langgatan di inganan i di Tuhan na patidahon diriNa tusia.

PAMUNGKAAN 17:1

Di na marumur si Abram sambilan pulu sambilan taon, dipatidahon Tuhan ma diriNa tusia jana didok ma, “Au do Debata Na Gumogo. Oloi ma Au jana patulus tongtong sanga aha hagiotKu.

PAMUNGKAAN 17:19

Tapi didok Debata ma, “Nada ale. Tubuhonon ni si Sara ripemi do anak halaklahi, jana baen ma goarna si Ishak. Torus do tioponKu parjanjianKu tu dakdanak i dohot tu pomparanmu salolot-lolotna.

PAMUNGKAAN 18:1

Dipataridahon Tuhan ma diriNa tu si Abraham di lambung ni harangan inganan ni paribadatan na di Mamre. Santak milas ni ari hatiha i, jana topet ma si Abraham juguk di pintu ni bandarnia i.

PAMUNGKAAN 26:24

Jadi borngin i dipataridahon Debata ma diriNa tusia mandok, “Au ma da Debata ni amangmu si Abraham. Ulang ho mabiar. Au do mandongani ho. PasupasuonKu ma ho jana lehenonKu ma tu ho bahat pomparanmu hara ni janjingKu tu naposongKu si Abraham.”

MASMUR 25:12

Diajarkon Tuhan do tu halak na unduk roha, dalan na giot bolusonna.

MASMUR 37:3

Haporsayai ma Tuhan jana baen ma na denggan, anso sonang ho di tano i maringanan.

HARURUAR 2:24

Dibege Debata do angguk-angguk ni halahi, jana diingot Ia do janjiNa tu si Abraham, si Ishak dohot si Jakob.

HAMALIMON 26:42

ingotonKu ma parjanjian dohot si Jakob, si Ishak dohot si Abraham. PaimbaruonKu ma janjingKu laho mangalehen tano tu bangsongKu.