PAMUNGKAAN 25:31 - BIBEL JAMITA NA DENGGAN

³¹ Dialusi si Jakob ma, “Ra do au mangalehen di ho, muda ra ho mangalehen hakmu songon anak siangkaan tu au.”

PAMUNGKAAN 25:31 ပူးပေါင်းရင်းမြစ်များ

PAMUNGKAAN 25:30

Jadi didok ia ma tu si Jakob, “Ma sun malena huhilala, lehen ma jolo di au saotik kacang na rara-rara i.” (Hara ni i ma umbaen na nigoaran ia si Edom.)

PAMUNGKAAN 25:32

Didok si Esau ma, “Ahana ma he di au hak na songon i. Ma pola satonga mate huhilala na malean on!”

PAMUNGKAAN 27:36

Didok si Esau ma, “Padua noli on ma dipaoto-oto ia au. Patut do antong si Jakob goarnia. Ma dibuat ia hakku siangkaan jana saonnari dibuat ia muse dope pasupasu na aturan di au. Na so adong be he pasupasu na asing di amang silehenonmu di au?”

PAMUNGKAAN 32:28

Didok bayo i, “Nada si Jakob be goarmu. Madung marsiranggut ho mangalo Debata dohot mangalo jolma jana monang do ho; antong si Israel noma goarmu.”

1 JUJUR TAON 5:1

On ma pomparan ni si Ruben anak siangkaan ni si Jakob. (Hara ni na dung mambaen tilako si Ruben dohot rading ni amana, gabe dibuat ma haknia songon anak siangkaan jana dipasahat ma i tu si Josep.

1 JUJUR TAON 5:2

Tapi sian sudena pomparan ni si Jakob Marga Juda ma na gumogo jana angka raja ni bangso Israel pe marasal sian marga i muse do.)

PANGARATAION 21:16

Muda giot putuskonon ni bayo i ma giot mambagi sinadongannia di angka dakdanaknia i, na so tola do ia mamihak tu anak na sian ripe hasudungan ni rohania i, marhite na mangalehen tu dakdanak i bagian na patut gabe hak ni anak na parjolo sorang.

PANGARATAION 21:17

Angkon lehenonnia do dua bagian sian sude artana di anakna na parjolo sorang i, haru pe nada anak na nitubuhon ni dadaboru hasudungan ni rohana. Angkon okuon ni amana do hak ni anak na parjolo sorang, jana angkon lehenon do di anak i teanon na patut disia mangihutkon aturan.”

IBRANI 12:16

Jagohon hamu ma anso ulang adong na gabe siparkamainan sanga na so mangargahon angka pangalaho na badia songon na nibaen ni si Esau. Digadis ia haknia songon anak siangkaan, hum hara ni samangkuk sipanganon.