PAMUNGKAAN 25:23 - BIBEL JAMITA NA DENGGAN

²³ Didok Tuhan ma tusia, “Adong dua bangso di bagasan bortianmu; tubuhononmu ma dua bangso na marsialoan; gumogo do sianggian i sian angkangna oloan ni siangkaan i ma siampulan i.”

PAMUNGKAAN 25:23 ပူးပေါင်းရင်းမြစ်များ

PAMUNGKAAN 17:16

PasupasuonKu ma ia jana tubuhononnia ma sada anak halaklahi na giot lehenonKu di ho. Ligi da, pasupasuonKu ma si Sara, jana gabe ina ni angka bangso ma ia. Sian angka pomparannia, adong ma na gabe angka raja.”

PAMUNGKAAN 17:4

“Hubaen do parjanjian on dohot ho: Marjanji ma Au, gabe ompu ni bahat bangso ma ho.

PAMUNGKAAN 25:24

Dapot ma arina hipas ma si Ribka, jana sorang ma dua anaknia halaklahi silinduat.

PAMUNGKAAN 25:27

Mur magodangi ma dakdanak na dua i. Gabe parburu na utusan ma si Esau jana sai di padang ma por ni rohania maringanan; tapi anggo si Jakob, tenang do ia jana sai di bagas ma nian giotnia.

PAMUNGKAAN 27:29

Sai gabe naposomu ma da angka bangso na marragam, jana talu ma maradopkon ho angka marga ni bangso na asing. Sai rajaanmu ma sude angka kahanggimu jana marsomba di jolomu ma pomparan ni inangmu. Sai hona bura ma sanga ise na mamurai ho jana tarpasupasu ma sanga ise na mamasumasu ho.”

PAMUNGKAAN 27:33

Mamungka ma humitir sude pamatang ni si Ishak, jana disapai ia ma, “Anggo songon i, ise dehe nangkin na marburu binatang i jana na mangalehen di au? Ma sanga hupangan nangkin dompak so ro ho. Jadi ma sanga hupasahat pasupasungku na parpudi tusia, jana gabe ia puna noma pasupasu i salolot-lolotna.”

PAMUNGKAAN 27:37

Dialusi si Ishak ma, “Madung hubaen ia gabe tuanmu, jana sude kahangginia hubaen do gabe naposonia. Madung hulehen disia gandum dohot anggur. Saonnari nada adong be na tarpatupa au di ho, amang!”

PAMUNGKAAN 27:40

Sian podangmi ma ho mangolu. Tapi laing naposo ni anggimu do ho. Tapi muda mangarunta ho, malua ma ho sian kuasonia.”

PAMUNGKAAN 32:6

Di na mulak angka suruan i mangulahi mandapotkon si Jakob, didok halahi ma, “Madung hami topot si Esau angkangmi, jana saonnari di tonga dalan ma i ro tuson anso marsuo dohot ho. Dioban ia do opat ratus halak paranganna.”

PAMUNGKAAN 33:3

Mardalan ma si Jakob di jolo ni halahi sude, di na mur mandonok ia mandapotkon angkangnia i, manungkap ma ia marsomba pitu noli.

PAMUNGKAAN 36:31

Dompak so jungada dope adong sada raja na mamarenta di Israel, mamarenta do di tano Edom angka raja na marjojor di toru on: Si Bela anak ni si Beor na sian Dinhaba. Si Jobab anak ni si Zera na sian Bosra. Si Husiam sian luat ni halak Teman. Si Hadad anak ni si Bedad sian Awit (on ma na manaluhon halak Midian di parporangan na di Luat Moab). Si Samla na sian Masreka. Si Saul na sian Rehobot na di topi ni batang aek. Si Baal-Hanan anak ni si Akbor. Si Hadar na sian Pahu (si Mehetabeel goar ni dadaboruna, boru ni si Matred jana pahompu ni si Mesahab).

PAMUNGKAAN 48:19

Dijua amangnia i do i, didok ma, “Huboto do da i amang, huboto do. Pomparan ni si Manase pe gabe bangso na godang do. Tapi laing gumodang dope kuaso ni angginia i ulang ia, jana pomparan ni angginia i gabe angka bangso na godang do.”

2 SAMUEL 8:14

Dipajongjong ia ma angka parbandaran ni tentarania di sude tano Edom jana gabe pangoloinia ma angka halak Edom i. Sai dilehen Tuhan do hamonangan di si Daud sanga na di dia pe ia marporang.

1 RAJA-RAJA 22:47

Diagohon ia do sian harajaannia i sude halaklahi dohot dadaboru na so ture na mangoloi di angka langgatan ni gana-ganaan na laing tading sian tingki ni si Asa, amangna i.

1 JUJUR TAON 18:13

Dipajongjong ia parbandaran ni militer di tano Edom sude, jadi gabe tunduk ma halak Edom tu Raja Daud. Sai monang do si Daud dibaen Tuhan sanga na di dia ia marporang.

OBAJA 1:21

Porangan ni halahi ma rap dohot halak Jerusalem na asing i halak Edom jana taluhononna. Jadi Au Tuhan, mamarenta noma gabe raja.”

BILANGAN 20:14

Disuru si Musa ma angka suruanna sian Kades manopot raja ni Edom. Ninna halahi ma, “On ma barita na hami oban sian halak Israel kahanggi ni raja i. Diboto raja i do angka hasusaan na hami taon.

PANGARATAION 2:4

Dung i disuru Tuhan ma au mangalehen sitiopan ni roha di hamu songon on, ‘Nada sadia honok nari masuhanmunu ma tano partoran Edom, luat ni angka kahanggimunu pomparan ni si Esau. Mabiar ma halahi tu hamu, tapi angkon marjaga-jaga do hamu.

PANGARATAION 2:8

Hita pe antong mardalan do torus mamolus Luat Edom jana tatinggalkon dalan na sian kota Elat dohot Esion-Geber laho tu Laut Mate, lopus mangeldok hita tu Habincaran na tu Moab.

1 SAMUEL 17:14

Si Daud ma sianggian. Dompak marporang angkangnia na tolu na godang-godang i mangihutkon si Saul,