PAMUNGKAAN 25:21 - BIBEL JAMITA NA DENGGAN

²¹ Dibaen nada maruntungan si Ribka, martangiang ma si Ishak tu Tuhan salaho tu dongan saripenia i. Jana dipatalus Tuhan do tangiang ni si Ishak i, jana denggan ma pamatang ni si Ribka.

PAMUNGKAAN 25:21 ပူးပေါင်းရင်းမြစ်များ

PAMUNGKAAN 11:30

Tapi nada maruntungan si Sarai.

PAMUNGKAAN 16:2

Jadi didok si Sarai ma tu si Abram, “Lakna na so tumbuk do roha ni Tuhan manubuhon dakdanak au. Hara ni i dumenggan ma da rap modom ho dohot hatobanki. Betak na tartubuhon ia do anak di au.” Satuju do si Abram di usul ni si Sarai i.

PAMUNGKAAN 30:22

Jadi diingot Debata ma si Rahel; ditangihon Debata ma pangidoannia jana dipatola Debata ma ia mardakdanak.

1 JUJUR TAON 5:20

Ditaluhon halahi do sude jolma i, angke porsaya do angka parajurit i tu Debata jana mangido tolong tuSia do halahi; jadi dioloi Debata pangidoan ni halahi i jana dilehen ma hamonangan di halahi.

2 JUJUR TAON 33:13

Dipatulus Tuhan ma tangiang ni si Manase i jana dipaulak ma ia tu Jerusalem anso mamarenta mangulahi. Jadi hara ni na masa i gabe pos ma roha ni si Manase bahaso Tuhan do hape Debata.

ESRA 8:23

Jadi gabe marpuaso ma hami dohot martangiang tu Debata mangido anso dijagohon Ia hami, jana dipatulus Ia do antong tangiangnami i.

MASMUR 127:3

Anggo satutuna, arta pusako ni Tuhan do dakdanak halaklahi, silehen-lehen ni Debata do halahi.

MASMUR 145:19

Dipasonang Ia do roha ni angka na burju marugamo, ditangihon Ia do pio-pio ni halahi jana dipalua Ia.

MASMUR 50:15

Muda ro hasusaan, pio-pio ma ho tu Au paluaonKu ma ho, jana pujionmu ma Au.”

MASMUR 65:2

Ho do na manangihon tangiang; ro do sude halak tu Ho hara ni na dung mardosa.

MASMUR 91:15

Muda pio-pio ia tu Au, alusanKu ma ia. Dompak masa hasusaan, urupanKu do ia, paluaonKu jana lehenonKu ma hasangapan disia.

PODA 10:24

Halak na bulus dapotsa por ni rohana; halak na jahat dumpangan na nihabiaranna.

JESAYA 45:11

Songon on do hata ni Tuhan, Debata Na Badia, jana na manjadihon Israel: “Hamu ma he na patut marsapa tu Au salaho tu angka dakdanakKu, sanga na mangalehen parenta tu Au salaho tu karejongKu?

JESAYA 58:9

Muda martangiang hamu, patulusonKu ma i. Muda pio-pio hamu tu Au, alusanKu ma hamu. Antak hamu ma na mamparkanciti, na manudui halak dohot jari-jarimu dohot angka hata na jahat.

JESAYA 65:24

Jadi andorang so pio-pio halahi, madung Hualusi; hatiha manghobari halahi, madung Hubege.

LUKAS 1:13

Tapi ninna surusuruan i ma tusia, “Ulang ho mabiar Zakaria! Madung dijagit Debata tangiangmi. Sorang ma sada anakmu sian dadaborumu si Elisabet. Angkon si Johannes do goarna baenonmu.

LUKAS 1:7

Nada mardakdanak halahi angke na so maruntungan do si Elisabet, boti rap matobang do halahi.

1 SAMUEL 1:11

Dung i didok si Hanna ma janji, “O Tuhan Na Markuaso, parrohahon ma naposoMon! Ligi ma pardangolankon. Ingot ma jana ulang halupahon au! Muda dilehen Ho di au sada anak halaklahi, marjanji ma au mangalehensa tu Ho salolot ia mangolu, jana obukna pe nada unjung tola gotapon.”

1 SAMUEL 1:17

Dung i ninna si Eli ma, “Antong anggo songon i do, mulak ma ho dibagasan sonang. Sai dipatulus Debata ni Israel ma nian pangidoanmi.”

1 SAMUEL 1:2

Dua halak dadaboru ni si Elkana, i ma si Hanna dohot si Penina. Adong do anak ni si Penina, tapi anggo si Hanna nada adong.

1 SAMUEL 1:27

Na mangido dakdanak on do au tu Tuhan, jana madung ditangihon Ia pangidoanki.