PAMUNGKAAN 25:20 - BIBEL JAMITA NA DENGGAN

²⁰ Marumur opat pulu taon ma si Ishak di na marripe ia dohot si Ribka, iboto ni si Laban, boru ni si Betuel. (Halak Aram na di Mesopotamia do anggo si Betuel.)

PAMUNGKAAN 25:20 ပူးပေါင်းရင်းမြစ်များ

PAMUNGKAAN 22:23

Di pudi ni ari si Betuel on ma na gabe amang ni si Ribka.

PAMUNGKAAN 24:15

Nada salose dope ia na martangiang i, ma lalu si Ribka, sada anak boru na lobi jeges boti bujing-bujing dope, di sumur i. Dioban ia garigitnia di abarania i. (Boru ni si Betuel do i, jana si Betuel on, i ma anak ni si Nahor na nitubuhon ni si Milka dadaborunia i. Si Nahor i ma angkang ni si Abraham.) Didapotkon si Ribka ma sumur i, muhat ma ia, lalu mardalan ia mangulahi.

PAMUNGKAAN 24:67

Dung i dioban si Ishak ma si Ribka masuk tu bandar ni si Sara inangnia i, jana diparsaripe ia ma si Ribka. Holong do roha ni si Ishak disia jana songon i ma gabe sombu rohania sian arsak na agoan ina i ia.

PAMUNGKAAN 25:26

Di na sorang anak paduahon i, ditiop ia do togu tambihul ni si Esau. Hara ni i ma da digoari ia si Jakob. Marumur onom pulu taon ma si Ishak di na sorang na dua i.

PAMUNGKAAN 27:43

Jadi, oloi ma na hudok on amang. Kehe ma ho manigor tu ibotongku si Laban, di Haran.

PAMUNGKAAN 28:2

Tu Mesopotamia ma ho kehe tu bagas ni ompungmu si Betuel jana boru ni tulangmu si Laban ma buat sahalak di ho.

PAMUNGKAAN 28:7

Diboto si Esau muse do pangoloi ni si Jakob di hata ni ama dohot inangna di na kehe ia tu Mesopotamia.

PAMUNGKAAN 31:20

Na mangakali si Laban do si Jakob umbaen na so marpaboa ia na kehe i.

PAMUNGKAAN 31:24

Borngin-borngin i ro ma Debata tu si Laban di bagasan nipi mandok, “Jago ho! Ulang jabat adong hatamu sanga aha mangancam si Jakob.”

PAMUNGKAAN 33:18

Di pardalanan na sian Mesopotamia lalu ma si Jakob horastorkis tu Sikem na di Kanaan, jadi dipajongjong ia ma bandarnia di sada padang-padang na donok tu kota.

PAMUNGKAAN 35:26

Angka anak ni si Zilpa naposo dadaboru ni si Lea i, i ma si Gad dohot si Aser. Di Mesopotamia do sorang angka dakdanak i.

PAMUNGKAAN 35:9

Dung mulak si Jakob sian Mesopotamia, dipataridahon Debata muse dope diriNa tusia jana dipasupasu ia.

PAMUNGKAAN 46:15

I ma sude dakdanak ni si Jakob na nitubuhon ni si Lea dompak di Mesopotamia tamba ni borunia na margoar si Dina. Jadi pungu ma tolu pulu tolu halak sude pomparan ni si Jakob sian si Lea.

LUKAS 4:27

Songon i muse do di hatiha ni Panurirang Elisa, bahat do halak na hona panyakit kusta di Israel, hape umpe sahalak sian halahi na dipamalum; hum si Naaman halak Siria i sajo do.”

PANGARATAION 26:5

Dung i di adopan ni Tuhan angkon pajojoronmu do hata on: ‘Halak Aram na mimbarimbar do daompung, sada halak na madang-adang na so adong bagas ingananna. Dioban ia do ripenia tu Mesir anso maringanan ia disi. Di na kehe i tusi, saotik do bilangan ni halahi, hape gabe bangso na godang do halahi jana na gogo.