PAMUNGKAAN 24:50 - BIBEL JAMITA NA DENGGAN

⁵⁰ Mangalusi ma si Laban dohot si Betuel, “Dibaen na sian Tuhan do haroro ni pangalaho on, nada patut hami mambaen haputusan.

PAMUNGKAAN 24:50 ပူးပေါင်းရင်းမြစ်များ

PAMUNGKAAN 24:15

Nada salose dope ia na martangiang i, ma lalu si Ribka, sada anak boru na lobi jeges boti bujing-bujing dope, di sumur i. Dioban ia garigitnia di abarania i. (Boru ni si Betuel do i, jana si Betuel on, i ma anak ni si Nahor na nitubuhon ni si Milka dadaborunia i. Si Nahor i ma angkang ni si Abraham.) Didapotkon si Ribka ma sumur i, muhat ma ia, lalu mardalan ia mangulahi.

PAMUNGKAAN 24:28

Dung i marlojong ma anak boru i tu bagas ni inangna jana dicaritohon ia ma sude na masa i. Adong do sada iboto ni si Ribka na margoar si Laban. Ma dibege ia carito ni ibotonia i taringot tu na nidok ni hatoban i. Boti ma diida ia anting-anting na di igungnia i dohot golang na di ibotona i. Jadi diompoti si Laban ma marlojong tu balian mandapotkon hatoban ni si Abraham i na topet jongjong rap dohot angka untona di lambung sumur i.

PAMUNGKAAN 24:51

Ma indon si Ribka, padiar ma da dohot ia mangihutkon hamu gabe dongan matobang ni tuanmi, songon na nidok ni Tuhan i sandiri.”

PAMUNGKAAN 24:53

Dung i dirungkari hatoban i ma pakean, perak dohot barang sere, laho pasahatkonsa tu si Ribka. Dohot tu ibotonia i pe, songon i tu inangna i dilehen ia muse do silehen-lehen angka sigodang arga.

PAMUNGKAAN 24:55

Tapi didok iboto dohot inang ni si Ribka i ma, “Laing padiar hamu ma jolo si Ribka rap dohot hami marsaminggu nari sanga marsampulu ari on; dung salpu i padiar ma kehe ia.”

PAMUNGKAAN 31:24

Borngin-borngin i ro ma Debata tu si Laban di bagasan nipi mandok, “Jago ho! Ulang jabat adong hatamu sanga aha mangancam si Jakob.”

PAMUNGKAAN 31:29

Markuaso do da au mambaen na jat tu ho, tapi napotangin dipaingot Debata na nisomba ni amangmi do au anso ulang huancam ho.

2 SAMUEL 13:22

Marhosom situtu ma si Absalom tu si Amnon jana nada ra be ia pangkulingkonsa hara ni na nibaennia i na so patut tu si Tamar, ibotonia i.

1 RAJA-RAJA 12:15

Jadi nada diantureskon raja i anggo pangidoan ni rayat i. Tapi i do na nihagiotan ni Tuhan, hasurirangon ni Panurirang Ahia na sian Silo taringot tu si Jerobeam i, angkon laing tulus.

1 RAJA-RAJA 12:24

“Ulang porangi hamu rayat ni Israel, angka kahanggimunu sandiri do i. Marmulahan ma hamu sudena. GiotKu do na tarjadi sadari on.” Jadi dioloi halahi sudena ma na niparentahon ni Tuhan i, marmulahan be ma halahi tu bagasna be.

MASMUR 118:23

Na nipamasa ni Tuhan do i, hahomangan do i anggo di matanta.

MATEUS 21:42

Dung i ninna Jesus ma tu halahi, “Na so unjung dope tarsise hamu surat na di Buku Na Badia i? ‘Batu na niambungkon ni pande bagas i madung gabe batu parsuhi. Songon i ma pambaen ni Tuhan; sada pambaenan hahomangan di matanta.’ ”

MARKUS 12:11

I ma na nibaen ni Tuhan; sada tanda hahomangan di matanta!’ ”

BAENON NI ANGKA RASUL 11:17

Jadi tangkas do, dilehen Debata muse do tu halak na so marugamo Jahudi silehen-lehen na sarupa songon na nilehenNia tu hita di na tahaporsayai Tuhan Jesus Kristus. Antong, bia ma he pangalarangku di Debata!”