PAMUNGKAAN 24:48 - BIBEL JAMITA NA DENGGAN

⁴⁸ Manungkap ma au marsomba jana mamuji Tuhan, Debata ni tuanku si Abraham. Madung ditogu-togu Ia au antong lalu tu jolomunu, tuanku, lopus marsuo au dohot anak boru na giot di anaknia i.

PAMUNGKAAN 24:48 ပူးပေါင်းရင်းမြစ်များ

PAMUNGKAAN 22:23

Di pudi ni ari si Betuel on ma na gabe amang ni si Ribka.

PAMUNGKAAN 24:52

Dung dibege hatoban ni si Abraham i na nidok ni halahi i, manungkap ma ia manyomba Tuhan.

ESRA 8:21

Hupabotohon ma di topi ni Batang aek Ahawa i, bahaso angkon puaso sude jana patorukkon roha di adopan ni Debata. Hami tangiangkon do anso dipimpin Debata hami di pardalanan i, jana dijagohon Ia hami, angka dakdanaknami dohot sude sinadongannami.

MASMUR 107:7

Mamolus sian dalan na lidang halahi ditogu Ia, tu inganan parmianan di sada kota.

MASMUR 32:8

Didok Tuhan, “Hupatuduhon pe dalan sibolusonmu. Hutogu pe ho jana Hupaingot.

MASMUR 48:14

Paboa Ia do Debata, Debatanta sapanjangna, uluhononNia ma hita salolot-lolotna.

HARURUAR 18:20

Angkon ajarkononmu do tu halahi angka na niparentahon ni Debata jana angkon patorangonmu muse pardalan ni ngolu na denggan maradu tu na patut angkon baenon ni halahi.

PODA 4:11

Madung huajarkon habisuhon tu ho jana hupatuduhon parngoluon na tutu.

JESAYA 48:17

Songon on ma pandokkon ni Tuhan, Partobusmu, Na Sun Badia, Debata ni Israel: “Au do Tuhan, Debatamu, na mangajari ho salaho tu na mangkorhon na denggan, na mangaramoti ho di dalan na angkon bolusonmu.