PAMUNGKAAN 24:42 - BIBEL JAMITA NA DENGGAN

⁴² Jadi di na lalu au nangkin tu sumur i, martangiang do au di bagasan rohangku, ‘Tuhan Debata ni tuanku si Abraham, sai baen ma manjadi na hulangkahon on.

PAMUNGKAAN 24:42 ပူးပေါင်းရင်းမြစ်များ

PAMUNGKAAN 24:11

Dung lalu ia di adu, diparadiankon ia ma angka unto i di lambung ni sada sumur di balian ni kota i. Andospotang ma hatiha i, jana tingkina ma angka dadaboru muhat mangalap aek tu sumur i.

PAMUNGKAAN 24:27

Ning ia ma, “Nipuji ma Ho o Tuhan, Debata ni tuanku si Abraham. Torus do ditiop Ho Tuhan janjiMi na tu tuanku si Abraham jana diuluhon Ho do au lalu tumbuk tu koum sisolkotnia.”

PAMUNGKAAN 24:31

Jadi didok si Laban ma, “Na nipasupasu ni Tuhan do da ho, hara ni i ulang ma dison hamu di ruar on. Beta ma hita tu bagasta. Madung rade kamar ingananmunu dohot inganan ni angka untomon,” ning ia.

PAMUNGKAAN 39:3

Diida tuannia, na nidonganan ni Tuhan do si Josep jana sai manjadi do sude na nikarejohon ni si Josep dibaen Tuhan.

ESRA 8:21

Hupabotohon ma di topi ni Batang aek Ahawa i, bahaso angkon puaso sude jana patorukkon roha di adopan ni Debata. Hami tangiangkon do anso dipimpin Debata hami di pardalanan i, jana dijagohon Ia hami, angka dakdanaknami dohot sude sinadongannami.

NEHEMIA 1:11

Tangihon ma tangiangku dohot tangiang ni sude naposoMu na asing i, na ra pasangankon Ho. Lehen ma pangurupiMu anso laing tulus naposoMon sadari on dapotan asi ni roha sian raja.” Siurus inumon ni raja do au di hatiha i.

MASMUR 37:5

Pasahat ma ngolumu tu Tuhan, tuSia ma ho mararop roha, dumpang ma tolonganNia.

MASMUR 90:17

Ale Tuhan Debatanami, pasupasu ma hami, anso manjadi sude karejonami.

BAENON NI ANGKA RASUL 10:22

Dialusi halahi ma, “Na nisuru ni kapten Kornelius do hami tuson. Halak na burju do ia jana mabiar mida Debata, boti sangap do ia dibaen halak Jahudi. Na ro do sahalak surusuruan na badia marsuru ia mangidohon anso ro tuan i tu bagasnia, angke giot begeonnia jamita sian ho.”

SURAT NI SI PAULUS TU PARLAGUTAN ROM 1:10

Tongtong do hupangidohon di bagasan tangiangku, sugari dipaloas Debata ma au nian ro tu hamu on.

1 SAMUEL 1:13

Martangiang di bagasan roha do si Hanna, jadi hum bibirnia do na mubit-ubit, tapi anggo sorania nada tarbege. Jadi gabe diambang si Eli do ia na mabuk.

1 SAMUEL 9:6

Dialusi hatoban i ma, “Painte jolo! Adong do di kota on sada halak naposo ni Debata. Na sangap situtu do ia dibaen halak hara ni sude hatania na tutu situtu tarjadi. Beta ma hita tusi, betak na paboaonnia do tu hita sanga na di dia halode i.”