PAMUNGKAAN 24:40 - BIBEL JAMITA NA DENGGAN

⁴⁰ Jadi ning ia mangalusi, ‘Suruon ni Tuhan na sai hupaolo-oloi i do surusuruanNia mandongani ho dohot mambaen denggan marhasil na nilangkahonmu. Dapot ho do i na gabe dongan matobang ni anakki sian angka koum sisolkotki, i ma sian horong ni damang.

PAMUNGKAAN 24:40 ပူးပေါင်းရင်းမြစ်များ

PAMUNGKAAN 17:1

Di na marumur si Abram sambilan pulu sambilan taon, dipatidahon Tuhan ma diriNa tusia jana didok ma, “Au do Debata Na Gumogo. Oloi ma Au jana patulus tongtong sanga aha hagiotKu.

PAMUNGKAAN 24:56

Tapi didok hatoban i ma, “Ulang be da tahan hamu hami. Madung marjurus dibaen Tuhan na hudalankon; paloas hamu ma da mulak au tu tuanku.”

PAMUNGKAAN 24:7

Na dung disumpahon Tuhan do tu au, i ma Debata na mangarajai langit, na maroban au sian bagas ni damang dohot sian luat ni koum sisolkotku na giot lehenonNia do luat on tu pomparanku. Laing suruonNia muse ma surusuruanNia mardalan di jolomu anso laing dapot ho boru sian adu di anakki.

PAMUNGKAAN 48:15

Dung i dipasupasu ia ma si Josep, didok ia ma, “Debata do na nisomba ni si Abraham dohot si Ishak, laing ia do na manogu au lopus saonnari;

PAMUNGKAAN 5:22

Dung i mangolu di bagasan pardonganon dohot Debata ma si Henokh 300 taon honokna jana adong dope angka dakdanaknia na asing.

PAMUNGKAAN 5:24

Jana sai marpardonganon dohot Debata do ngolunia, dung i nada haidaan be ia, angke madung dibuat Debata ia.

PAMUNGKAAN 6:9

On ma barita ni si Noak. Adong do tolu anaknia, i ma si Sem, si Ham dohot si Jafet. Nada adong sala ni si Noak, jana hum sasada ia ma jolma na burju di hatihania i. Marpardonganan dohot Debata do ia di ngolunia.

1 RAJA-RAJA 2:3

Patulus ma sanga aha na niparentahon ni Tuhan Debatamu tu ho. Oloi ma sude tona dohot angka parentaNia na tarsurat di buku ni si Musa, anso sai maruntung ho sanga tudia pe ho kehe dohot di sude sanga aha na nikarejohonmu.

1 RAJA-RAJA 3:6

Dialusi si Salomo ma, “Tuhan! Madung dipatidahon Ho basa na holong situtu do rohaMu di damang si Daud naposoMi. Denggan do ia, tigor, bope burju tu Ho. Torus do dipatidahon Ho holong ni roha godang disia. Tangkas do i tarida angke madung dilehen Ho disia sada anak na mamarenta saonnari manggontihon ia.

1 RAJA-RAJA 8:23

lalu martangiang, “Ale Tuhan Debata ni Israel, di langit dohot di tano on, nada adong debata na songon Ho. Dipatulus Ho do janjiMu jana dipatidahon Ho do holongMu tu sude bangsoMu na sai burju jana mangoloi tu Ho sian nasa rohana.

2 RAJA-RAJA 20:3

“Tuhan, ingot ma na dung huoloi Ho sian burju dohot situtu ni rohangku. Sai hugogo do anso hupatulus hagiotMu.” Lalu mangangguk ma si Hiskia.

MASMUR 1:3

Tarsongon hayu na di topi ni batang aek do ia, na marbatu di hatihana, boti pe nada jungada malos bulungna, mardohar do halahi di na nikarejohonna.

MASMUR 16:8

Sai torang do rohangku di haroro ni Tuhan donok do Ia, nada pola au jabat gamang.

MASMUR 91:11

Angke madung ditonahon Ia surusuruanNia tu ho, anso dijagohon halahi ho di sude dalanmu.

HARURUAR 23:20

“Ingot ma suruonKu do surusuruanKu manjoloi hamu laho mangondihon hamu di pardalanan dohot maroban hamu tu inganan na dung Huparade.

HARURUAR 33:2

SuruonKu do sahalak surusuruan mardalan di jolomu jana paorotonKu halak Kanaan, halak Amori, halak Het, halak Peris, halak Hewi dohot halak Jebus.

DANIEL 3:28

Jadi didok raja i ma, “Puji ma Debata na nisomba ni si Sadrakh, si Mesakh dohot si Abednego. Disuru Ia do surusuruanNia laho paluahon naposoNa na tolu on na porsaya tuSia. Dilaosi halahi do parentangku jana gumonan mate ulang pado marsomba sanga mangoloi tu debata sanga na dia pe asing sian Debata ni halahi sandiri.

IBRANI 1:14

Antong, aha noma satutuna angka surusuruan ni Debata i? Angka tondi na mangoloi Debata do i jana na nisuru ni Debata laho mangurupi sanga ise halak na giot manjagit haluaan na nijanjihon ni Debata.

HALUMBAAN 22:16

“Au, Jesus, madung Hutongos surusuruanKu tu hamunu anso dipaboa ia taringot tu pangalaho on laho manyarihon angka parlagutan i. Pomparan ni si Daud do Au; Au ma bintang sidongdong na torang i.”

HALUMBAAN 22:8

Au si Johannes, madung hubege jana huida i sudena. Dung sidung hubege jana huida, tungkap ma au di jolo ni surusuruan na patidahon sasudena i tu au, giot marsomba ma nian au tusia,