PAMUNGKAAN 24:35 - BIBEL JAMITA NA DENGGAN

³⁵ Marlobi-lobi do pasupasu ni Tuhan di si Abraham jana dibaen do ia gabe halak na santak kayo. Madung dilehen Tuhan disia biri-biri na marhulanan-hulanan, hambeng, lombu, unto, halode, perak, sere, hatoban halaklahi dohot dadaboru.

PAMUNGKAAN 24:35 ပူးပေါင်းရင်းမြစ်များ

PAMUNGKAAN 12:16

Hara ni si Sarai, gabe denggan ma pambaenan ni raja i tu si Abram, jana dilehen ma disia angka hatoban, biri-biri dohot hambeng, lombu, halode dohot unto.

PAMUNGKAAN 12:2

Hulehen pe bahat di ho pomparanmu jana gabe bangso na godang ma halahi. Hupasupasu pe ho jana tarbonggal pe goarmu Hubaen, lopus gabe pasupasu ho di halak na bahat.

PAMUNGKAAN 12:3

PasupasuonKu ma sanga ise na mamasumasu ho. Tapi buraanKu ma sanga ise na mamurai ho. Jana hara ni ho, pasupasuonKu ma sude angka bangso na di tano on.”

PAMUNGKAAN 13:2

Kayo situtu do si Abram, adong do biri-birinia, hambeng, lombu songon i muse perak dohot sere.

PAMUNGKAAN 24:1

Madung matobang situtu si Abraham, jana sai dipasupasu Tuhan do ia di sude na nibaennia.

PAMUNGKAAN 25:11

Dung jumolo si Abraham, dipasupasu Debata ma si Ishak anak ni si Abraham i, na maringanan hatiha i di lambung ni sumur na margoar, “Na Mamparrohahon Au”.

PAMUNGKAAN 25:5

Haru pe na nipateankon ni si Abraham sude sinadongannia tu si Ishak,

PAMUNGKAAN 30:43

Jadi sian dalan na songon i gabe kayo sajo ma si Jakob. Gabe bahat ma marhulanan hambeng biri-biri ni si Jakob, untonia, halodenia dohot angka hatobannia.

PAMUNGKAAN 49:25

Debata ni amangmu ma mangurupi ho, Na Gumogo i ma mamasumasu ho marhite pasupasu sian langit na di ginjang dohot pasupasu sian aek na di toru ni tano, marhite anak dohot pahan-pahanan.

JOB 1:3

Tamba ni i bahat do angka naposonia, pitu ribu biri-birinia, unto tolu ribu, lombu saribu dohot halode lima ratus. Pendek hata dohonon, ia ma na kumayo sian sude halak na maringanan di Luat Habincaran.

MASMUR 107:38

Dibasa-basahon Tuhan di halahi bahat anak, jana pahan-pahanan ni halahi pe sai mamopari.

MASMUR 112:3

Makmur jana maradong ma di bagasna, marhasonangan ma ia sapanjangna.

MASMUR 18:35

Tuhan, Ho do na mandongani au dohot na paluahon au, jana tangan siamunMu do na manogu-nogu au, hara ni kuasoMu gabe marsangap au.

PODA 10:22

Hara ni pasupasu ni Tuhan do jolma gabe makayo, marloja-loja markarejo nada patamba harto.

PODA 22:4

Halak na burju mangoloi Tuhan jana patoruk rohana, gabe martua, sangap jana sonang ngoluna.

MATEUS 6:33

Sai jumolo ma jalahi hamu Harajaan Ni Debata dohot hatigoranNa, jadi lehenonNia ma di hamu sasude na songon i.

LUKAS 12:45

Tapi muda didok naposo i do di bagasan rohania, ‘Honok dope anso mulak tuanki,’ gabe dipungka ia ma mambalbali angka naposo halaklahi dohot dadaboru, gabe mangan minum ma ia lopus mabuk.

1 TIMOTEUS 4:8

Pangoromon ni pamatang, saotik do guna ni i, tapi anggo latihan ni roha, i ma na marguna tu sude pangalaho, angke dijamin i do ngolunta di tano on lopus tu ari parpudi.