PAMUNGKAAN 24:32 - BIBEL JAMITA NA DENGGAN

³² Jadi diihutkon hatoban i ma ia, masuk tu bagas. Dipaijur si Laban ma boban ni angka unto i jana dilehen ia ma durame dohot jampalon ni pahan-pahanan i. Dung i dibuat ia ma aek pamasu ni pat ni hatoban ni si Abraham i dohot donganna i.

PAMUNGKAAN 24:32 ပူးပေါင်းရင်းမြစ်များ

PAMUNGKAAN 18:4

Paloas hamu ma jolo au laho mangalap aek pamasu ni patmunu, jana di toru ni hayu on ma hamu jolo marsilaung maradian.

PAMUNGKAAN 19:2

jana didok ia ma, “Loas hamu ma au mangoloi hamu, tuan. Tu bagasta ma hamu masuk. Adong do parbasuan ni pat di bagasta dohot parbornginan. Ancogot tarbaen hamu do sigop ngot lalu paudutkon pardalananmunu.” Tapi dialusi halahi ma, “Tarimakasi ma da, dison pe hami marborngin di alaman ni kota on.”

PAMUNGKAAN 24:33

Di nadung singkop panganan, didok hatoban i ma, “Nada mangan au, anggo so jolo hupalalu tona na huoban.” Dialusi si Laban ma, “Antong dok hamu ma da.”

PAMUNGKAAN 29:13

Jadi di na nibege ni si Laban barita ni si Jakob baberenia i, marlojong ma ia mandapotkonsa. Dihaol si Laban ma si Jakob lalu diummai ia, jana dioban ia ma masuk tu bagas. Dung abis dicaritohon si Jakob sude na tarjadi i tu si Laban,

PAMUNGKAAN 43:24

Dung i dioban ma si Simeon tu halahi, jana ditaruhon ia ma halahi tu bagas. Dilehen ia ma aek pamasu ni pat ni halahi, dohot ruput di halode ni halahi.

LUKAS 7:44

Dung i ditailihon Jesus ma tu dadaboru i, didok Ia ma tu si Simon, “Diida ho dehe anak boru on? Di na ro Au tu bagasmon, umpe adong aek diparade ho parbasuan ni patKu; hape anggo anak boru on madung dibasu ia patKu dohot ilu ni matania, jana dipahiang ia dohot obuknia.

1 TIMOTEUS 5:10

tarbarita ia songon sada ina na dung mambaen pangalaho na denggan; isarana: Denggan dipagodang-godang ia angka dakdanaknia, sonang rohana manjagit angka tamu di bagasna, tata bohina manyambut angka na porsaya, dohot na mangurupi halak na susa – pendekna madung dibaen ia sian situtu ni rohana sude ragam ni karejo na denggan.

HAKIM-HAKIM 19:21

Dung i dioban ia halahi marborngin tu bagasnia lalu dilehen ia ma mangan angka halode ni bayo i. Dung i, paias diri ma ia dohot angka tamunia i, lalu mangan.

1 SAMUEL 25:41

Jadi jongjong ma si Abigail lalu manungkap mandok, “Naposo ni si Daud do au, rade do au mamasu pat ni angka naposonia.”