PAMUNGKAAN 24:27 - BIBEL JAMITA NA DENGGAN

²⁷ Ning ia ma, “Nipuji ma Ho o Tuhan, Debata ni tuanku si Abraham. Torus do ditiop Ho Tuhan janjiMi na tu tuanku si Abraham jana diuluhon Ho do au lalu tumbuk tu koum sisolkotnia.”

PAMUNGKAAN 24:27 ပူးပေါင်းရင်းမြစ်များ

PAMUNGKAAN 13:8

Dung i didok si Abram ma hatana tu si Lot, “Na markahamaranggi do hita, nada denggan muda sai martangkangi angka halak na adong di ho dohot halakku.

PAMUNGKAAN 14:20

Tarpuji ma Debata Na Gumincat i na dung mangalehen hamonangan tu ho maradopkon angka musumu.” Dung i dipasahat si Abram ma tu si Melkisedek saparsampulu sian sude barang na nirampas i na niobannia mulak.

PAMUNGKAAN 24:12

Jadi martangiang ma hatoban i, “O Tuhan, Debata ni tuanku si Abraham, urupi ma au anso denggan manjadi sadari on na hudalankon, jana ingot ma janjiMu na tu tuanku si Abraham.

PAMUNGKAAN 24:21

Laing dipamanat-manat hatoban ni si Abraham i ma torus, nada pola mangkuling ia sangkababa hata pe. Sai giot botoonnia ma, sanga na marhasil do tugasnia baenon ni Tuhan, sanga nada.

PAMUNGKAAN 24:4

Angkon mangulahi tu luat hatubuanku do jalahanmu boru dongan matobangnia, i ma sian koum sisolkotku.”

PAMUNGKAAN 24:42

Jadi di na lalu au nangkin tu sumur i, martangiang do au di bagasan rohangku, ‘Tuhan Debata ni tuanku si Abraham, sai baen ma manjadi na hulangkahon on.

PAMUNGKAAN 24:48

Manungkap ma au marsomba jana mamuji Tuhan, Debata ni tuanku si Abraham. Madung ditogu-togu Ia au antong lalu tu jolomunu, tuanku, lopus marsuo au dohot anak boru na giot di anaknia i.

PAMUNGKAAN 32:10

Nada patut au manjagit sude holong ni roha dohot haburjuon na dung nipatuduhonMi tu au di na kehe au manaripari Batang aek Jordan, nada maroban bagi aha au asing sian tungkotku. Saonnari ro au mangulahi rap dohot na dua rombongan on.

PAMUNGKAAN 32:11

Na mangido ma au sian situtu ni rohangku, palua ma au sian tangan ni angkangku si Esau. Mabiar do au – mabiar betak sai ro ia manyerang lalu mangabiskon hami sude, bope dadaboru dohot dakdanak.

PAMUNGKAAN 9:26

Pinuji ma Tuhan, Debata ni si Sem! Gabe hatoban ni si Sem noma si Kanaan.

2 SAMUEL 18:28

Manggora ma si Ahimaas manabi raja i, dung i manungkap ma ia lalu mandok, “Nipuji ma Tuhan Debata ni raja i na dung pasahatkon tu raja i angka halak na mambaen paraloan tu tuanku!”

MASMUR 100:5

Dibaen na denggan do Tuhan i jana tongtong manghaholongi sapanjangna do habonaranNia.

MASMUR 68:19

Puji ma Tuhan Debata, na palua hita, sian ari tu ari diporsan Ia do bobanta.

MASMUR 98:3

Ditiop Ia do janjiNia tu Israel, bangsoNa i, dibaen sai holong do rohaNia jana setia tu halahi. Sude bangso di portibi madung marnida haluaan na sian Debatanta.

HARURUAR 18:10

Jana ning ia ma, “Nipuji ma da Tuhan i na dung paluahon hamu sian tangan ni raja dohot bangso Mesir i! Nipuji ma da Tuhan na paluahon bangso Israel sian parhatobanon i!

HARURUAR 2:11

Dung magodang si Musa, saulak kehe ma ia mangaligi-ligi bangsonia i sandiri, i ma halak Ibrani. Gabe diida ia ma sanga songon dia halahi markarejo paksa borat situtu. Diida ia muse ma sada halak Mesir mamukul halak Ibrani, sahalak sian bangsonia sandiri.

HARURUAR 2:13

Ancogotna i ro muse ma si Musa, diida ia ma dua halak Ibrani topet marbadai. “Biasi dipukul ho dongan sabangsomu?” ninna si Musa tu halak na marsala i.

HARURUAR 34:6

Dung i mardalan ma Tuhan mamolus sian jolo ni si Musa jana pio-pio, “Au, Tuhan, Au do Debata parholong jana paribo roha. Na gok holong do Au, setia jana na lambok.

PODA 3:6

Ingot ma Tuhan di bagasan sude na nikarejohonmu, anso dipatuduhon Ia tu ho dalan parngoluon na sintong.

PODA 8:20

Dalan hajujuron do na huihutkon, di dalan hatigoran do na hulangkahon.

MIKA 7:20

PatuduhononMu ma tu bangsoMu pomparan ni si Abraham dohot si Jakob habonaranMu dohot holong ni rohaMu na so marparsuhatan i songon na nijanjihonMu tu ompunami narobi.

LUKAS 1:68

“Pinuji ma Tuhan Debata ni bangso Israel Madung ro Ia manopot bangsoNa, jana paluahon halahi.

JOHANNES 1:17

Dibaen dilehen do Tona i markite-hite si Musa tapi anggo asi ni roha dohot hasintongan markite-hite Jesus Kristus do.

EPESUS 1:3

Pinuji ma Debata, Ama ni Tuhanta Jesus Kristus! Dipasupasu Ia do hita dohot sude ragam-ragam ni pasupasu partondion sian banua ginjang, hara ni na dung mardomu i hita dohot Kristus.

1 TIMOTEUS 1:17

Debata do Raja ni sude hatiha, patut nipasangap jana pujion tongtong, angke Ia do na manongtong, na so tarida jana sasadaSa! Amen.

RUT 4:14

Didok angka dadaboru ma tu si Naomi, “Di Tuhan ma da puji-pujian: Madung dilehen Ia di ho pahompu di ari sadari on laho markasayahon ho. Sai tarbonggal ma goar ni si Uncok i di Israel!

1 SAMUEL 25:32

Dung i didok si Daud ma tusia, “Nipuji ma Tuhan, Debata ni Israel na marsuru ho mandapotkon au di ari sadari on!

1 SAMUEL 25:39

Dung tarbege tu si Daud na dung jumolo si Nabal, didok ia ma, “Nipuji ma Tuhan! Madung dibaloskon Ia habilean na nibaen ni si Nabal tu au, jana diantahi Ia naposona on mambaen hajahatan. Madung diuhum Tuhan si Nabal hara ni hajahatannia i.” Dung i disuru si Daud ma suruannia tu si Abigail laho manyapaisa gabe dadaborunia.