PAMUNGKAAN 24:26 - BIBEL JAMITA NA DENGGAN

²⁶ Jadi manungkap ma hatoban i marsomba tu Tuhan.

PAMUNGKAAN 24:26 ပူးပေါင်းရင်းမြစ်များ

PAMUNGKAAN 22:5

Jadi ning ia ma tu hatobannia na dua i, “Dison ma hamu na dua dohot halode on. Anggo au dohot anakkon kehe ma hami jolo tu adu laho manyomba Tuhan, mulak pe hami tuson mandapotkon hamu.”

PAMUNGKAAN 24:25

“Adong do inganan parbornginanmunu di bagasnami jana adong do bahat durame dohot panganon ni pahan-pahanan.”

PAMUNGKAAN 24:48

Manungkap ma au marsomba jana mamuji Tuhan, Debata ni tuanku si Abraham. Madung ditogu-togu Ia au antong lalu tu jolomunu, tuanku, lopus marsuo au dohot anak boru na giot di anaknia i.

PAMUNGKAAN 24:52

Dung dibege hatoban ni si Abraham i na nidok ni halahi i, manungkap ma ia manyomba Tuhan.

1 JUJUR TAON 29:20

Dung ditangianghon ia songon i didok si Daud ma tu halak na bahat na marlagut disi, ning ia ma, “Puji hamu ma Tuhan Debatamunu i!” Jadi dipuji halahi ma Tuhan, Debata na nisomba ni angka ompu ni halahi i. Manungkap ma halahi pasangapkon Tuhan dohot raja i.

2 JUJUR TAON 20:18

Gabe marsomba ma Raja Josafat. Laing dohot ma sude rayat i mandongani ia unduk marsomba tu Tuhan.

2 JUJUR TAON 29:30

Disuru raja dohot angka hatobangon ni rayat i ma endehonon ni angka halak Levi i puji-pujian tu Tuhan na nikarang ni si Daud dohot Panurirang Asap. Marjop ni roha situtu ma sude jolma i na marende i lalu marsinggang manyomba Debata.

NEHEMIA 8:6

Didok si Esra ma, “Puji hamu ma Tuhan, Debata Na Bolon i!” Sude ma rayat i mangangkat tanganna tu ginjang jana didok halahi ma, “Amen, amen!” Dung i manungkap ma halahi marsomba Debata.

MASMUR 22:29

Sude halak na jungkat marsomba ma tuSia, sandok bangso ni jolma mangunduk ma tuSia.

MASMUR 66:4

Sude tano on tunduk marsomba di adopanMu, marende do halahi mamuji goarMu.

MASMUR 72:9

Angka bangso na di padang parhorsihan tunduk ma tusia jana marsomba muse di jolo ni patnia.

MASMUR 95:6

Beta ma hita tungkap, jana marsinggang ma hita tu jolo ni Tuhan na manompa hita.

HARURUAR 12:27

Alusanmunu ma, ‘On ma da haul Paskah laho pasangapkon Tuhan, angke sude bagas ni halak Israel di Mesir disalpui Ia do, jana dibunu Ia do angka halak Mesir, hape anggo hita dipadiar Ia do mangolu!’ ” Dung i marsinggang ma halak Israel jana marsomba tu Tuhan i.

HARURUAR 34:8

Diompot si Musa ma mangalompit tot tu tano marsomba.

HARURUAR 4:31

Gabe porsaya ma halahi boti dung dibege halahi bahaso na dung ro hape Debata marnida sude parkancitan ni halahi, dipaunduk halahi ma marsomba tu Debata.

MIKA 6:6

Aha dehe sihaulkononku tu Tuhan, Debata na di banua ginjang muda ro au marsomba tuSia? Angkon obanonku dehe lombu jara-jara na ummokmok baen sihaulkonon gabe haul situtungon tuSia?

PILIPPI 2:10

Anso marsinggang ma di bagasan goar ni Jesus, sandok na di banua ginjang, na di tano on dohot na di toru ni tano on.

HAKIM-HAKIM 7:15

Di na nibege ni si Gideon taringot tu nipi ni bayo i dohot astuanna, manungkap muse ma ia marsomba Debata. Dung i mulak ma ia tu parbandaran ni Israel jana didok ia ma, “Markobas be ma! Dilehen Tuhan do hamonangan di hamu maradopkon parangan ni Midian!”

1 SAMUEL 1:28

Jadi hara ni i, hupasahat ma dakdanak on tu Tuhan anso gabe Ia nampunasa salolot mangolu.” Dung i marsomba ma halahi tu Tuhan.