PAMUNGKAAN 24:14 - BIBEL JAMITA NA DENGGAN

¹⁴ Dokkononku ma hatangku tu sahalak sian halahi, ‘Tolong ma jolo timbahon embermi jana lehen au minum.’ Jadi muda alusanna tu au, ‘Minum ma hamu da, jana angka untomunu i hulehen pe minum!’ ninna, i ma da ibana sugari boru na nitodoMu di naposoMu si Ishak. Muda tulus tarjadi songon i, botoonku ma tangkas, na nitiopMu do janjiMu tu tuanku si Abraham.”

PAMUNGKAAN 24:14 ပူးပေါင်းရင်းမြစ်များ

PAMUNGKAAN 15:8

Tapi disapai si Abram ma, “Iale Tuhan Debata, bia ma hubaen mamboto paboa na giot au nampuna tano i?”

PAMUNGKAAN 24:13

Ligi ma, dison au jongjong di lambung sumur on. Marroan ma santongkin nari angka bujing-bujing sian kota i, muhat mangalap aek.

PAMUNGKAAN 24:15

Nada salose dope ia na martangiang i, ma lalu si Ribka, sada anak boru na lobi jeges boti bujing-bujing dope, di sumur i. Dioban ia garigitnia di abarania i. (Boru ni si Betuel do i, jana si Betuel on, i ma anak ni si Nahor na nitubuhon ni si Milka dadaborunia i. Si Nahor i ma angkang ni si Abraham.) Didapotkon si Ribka ma sumur i, muhat ma ia, lalu mardalan ia mangulahi.

PAMUNGKAAN 24:18

Dialusi bujing-bujing i ma, “Minum ma da tuan,” ning ia, jana manigor diompoti ia ma paijurkon garigitnia i sian abarania, jana ditiop ia ma garigitnia i mangalehen hatoban i minum.

PAMUNGKAAN 24:19

Dung sidung hatoban i minum, didok anak boru i ma, “Hutimba pe aek dohot di angka unto ni tuan i, anso laing minum sudena lopus sombu be nguasna.”

PAMUNGKAAN 24:43

Ligi ma, di lambung sumur on do au jongjong. Muda ro ma sahalak bujing-bujing laho muhat, pangidoonku ma tusia aek anso dilehensa di au sian garigitna i.

PAMUNGKAAN 24:44

Muda ro do ia mangalehen dohot mandok anso dilehen ia muse minum angka untongki, jadi ia ma da ibana ning rohangku na nitodoMu gabe dongan matobang ni anak ni tuanki.’

2 SAMUEL 20:9

Didok si Joab ma tu si Amasa, “Aha do barita, dongan?” ning ia lalu ditiop ia janggut ni si Amasa dohot tangannia siamun tarsongon na giot mangumma ia.

2 SAMUEL 5:24

Muda adong dibege ho sora songon pardorom ni halak na marbaris di puncut ni angka hayu i, maju ma ho, angke Au do mardalan di jolomu laho manaluhon tentara ni Pilistin i.”

PODA 19:14

Bagas dohot sinadongan na bolas dapot do i sian ama ina, tapi dadaboru na marroha hum sian Tuhan do dapotna.

JESAYA 7:11

“Pangido ma anso dilehen Tuhan Debatamu di ho sada tanda, sanga pe i sian inganan ni halak na mate sian toru, sanga pe na sian banua ginjang.”

SURAT NI SI PAULUS TU PARLAGUTAN ROM 1:10

Tongtong do hupangidohon di bagasan tangiangku, sugari dipaloas Debata ma au nian ro tu hamu on.

HAKIM-HAKIM 18:5

Jadi didok halahi ma tusia, “Antong anggo songon i, tolong ma jolo sapai tu Debata sanga na marhasil do langkanami on sanga nada.”

HAKIM-HAKIM 6:17

Dialusi si Gideon ma, “Muda na tutu situtu do au tumbuk di roha ni Tuhan, cubo ma jolo mangalehen tanda bahaso na tutu do Tuhan mangkobari tu au.

HAKIM-HAKIM 6:37

Antong, di ginjang ni tano on, inganannami na somal mambanting gandum, ma hupayakkon dison panggustingan ni imbulu ni biri-biri. Ancogot muda hum imbulu ni biri-biri on sajo do na maraek dibaen ombun jana tanona i nada, gabe i ma buktina bahaso na giot pakeonMu au laho paluahon halak Israel.”

1 SAMUEL 20:7

Muda didok amanta, ‘Denggan,’ gabe malua ma au, tapi muda gabe muruk do ia, botoonmu ma disi na dung mambaen haputusan amanta laho mangago au.