PAMUNGKAAN 24:10 - BIBEL JAMITA NA DENGGAN

¹⁰ Dibuat hatoban i ma sampulu unto ni tuanna i dohot angka barang-barang na mararga, jana kehe ma ia rap dohot piga-piga halak nari hatoban na asing manopot kota na niinganan ni si Nahor najolo, i ma na di sabola Utara ni Mesopotamia.

PAMUNGKAAN 24:10 ပူးပေါင်းရင်းမြစ်များ

PAMUNGKAAN 11:26

Dung marumur si Terah 70 taon, adong ma anaknia tolu halak i ma si Abram, si Nahor dohot si Haran.

PAMUNGKAAN 11:29

Dialap si Abram ma si Sarai gabe dongan saripena, jana si Nahor mambuat si Milka boru ni si Haran. Adong dope angka dakdanak ni si Haran na asing na margoar si Jiska.

PAMUNGKAAN 11:31

Dioban si Terah ma si Abram anakna i dohot si Lot pahompuna, dohot si Sarai parumaennia i, jadi rap kehe ma halahi manadingkon kota Ur na di Babilonia. Maksudnia giot kehe tu Kanaan do. Tapi dung lalu di Haran, gabe disi noma halahi maringanan.

PAMUNGKAAN 11:32

Jana disi noma marujung ngolu ni si Terah di na marumur ia 205 taon.

PAMUNGKAAN 22:20

Adong do angkang ni si Abraham na margoar si Nahor. Dung adong sadia honok tarbege ma tu si Abraham na dung adong tubu ni si Milka dadaboru ni si Nahor i salapan anak halaklahi, i ma:

PAMUNGKAAN 24:2

Sanoli, mandok hata ma ia tu hatobannia na tumobang, i ma na mangurus sude arta sinadongannia, ning ia ma, “Baen ma tanganmu tu holang-kolang ni hae-haengkon.

PAMUNGKAAN 24:22

Dung sidung dilehen anak boru i angka unto i minum, dibuat hatoban ni si Abraham i ma anting-anting sere sigodang arga, dipapakehon ia ma tu igung ni anak boru i. Tanganna i pe dipapakehon ia ma sapasang golang sere.

PAMUNGKAAN 24:53

Dung i dirungkari hatoban i ma pakean, perak dohot barang sere, laho pasahatkonsa tu si Ribka. Dohot tu ibotonia i pe, songon i tu inangna i dilehen ia muse do silehen-lehen angka sigodang arga.

PAMUNGKAAN 27:43

Jadi, oloi ma na hudok on amang. Kehe ma ho manigor tu ibotongku si Laban, di Haran.

PAMUNGKAAN 29:1

Dipatorus si Jakob ma pardalanannia jana kehe ma ia tu Habincaran ni tano Kanaan.

PAMUNGKAAN 29:2

Na so niambang-ambang diida ia ma sumur di padang, jana adong ma di lambungna i modom-modom tolu hulanan hambeng na giot lehenon minum songon na somal. Ditutupi dohot batu na godang do sumur i.

1 JUJUR TAON 19:6

Jadi torang ma diboto Raja Hanun dohot halak Amon, patunda ni pambaenan ni halahi i gabe goyak roha ni si Daud mida halahi. Jadi ditongos halahi ma 34.000 kilo perak tu Luat Mesopotamia Julu, dohot tu Maaka dohot Zoba di Siria laho mangongkosi 32.000 kareta porang dohot tentara parkudo. Jadi ro ma antong tentara ni Raja Maaka dohot sude kareta porang na niongkosan i jana marbandar ma halahi di Medeba. Marroan muse ma halak Amon sian kotana be laho marporang.

BAENON NI ANGKA RASUL 2:9

Angka halak Partia do hita, halak Media, halak Elam; halak Mesopotamia; halak Judea; halak Kapadokia; halak Pontus dohot Asia,

PANGARATAION 23:4

Dalanna, i ma hara ni na so ra halahi mangalehen sipanganon dohot siinumon di hamu dompak na mardalan hamu haruar sian Mesir. Diongkosi halahi dope gari ada si Bileam, anak ni si Beor na sian kota Petor na di Mesopotamia laho mamurai hamu.