PAMUNGKAAN 23:2 - BIBEL JAMITA NA DENGGAN

² Di Hebron na di tano Kanaan do marujung ngolunia, jana diandungi si Abraham ma hamamatenia i.

PAMUNGKAAN 23:2 ပူးပေါင်းရင်းမြစ်များ

PAMUNGKAAN 13:18

Dung i dipaimbar si Abram ma inganan ni undung-undungnia jana maringanan di lambung ni harangan inganan paribadatan na di Mamre donok tu Hebron ma ia torus. Jana disi ma dipajongjong ia langgatan di Tuhan.

PAMUNGKAAN 23:1

Marumur do si Sara saratus dua pulu pitu taon.

PAMUNGKAAN 23:19

Dung i dikuburkon si Abraham ma si Sara dongan saripenia i di bagasan liang i di tano Kanaan.

PAMUNGKAAN 24:67

Dung i dioban si Ishak ma si Ribka masuk tu bandar ni si Sara inangnia i, jana diparsaripe ia ma si Ribka. Holong do roha ni si Ishak disia jana songon i ma gabe sombu rohania sian arsak na agoan ina i ia.

PAMUNGKAAN 27:41

Gabe goyak ma roha ni si Esau mida si Jakob harani na nilehen ni amangnia i pasupasuna tu angginia i. Ning ia ma di bagasan rohania, “Nada pola sadia honok nari marujung ma ngolu ni damang on jana marsiluluton ma hami. Dung salpu i, hubunu ma si Jakob.”

PAMUNGKAAN 35:27

Jadi kehe ma si Jakob mandapotkon si Ishak amangnia i di Mamre di lambung ni Hebron. I ma inganan ni si Ishak amangnia dohot ompungnia si Abraham.

PAMUNGKAAN 37:14

Ning amangnia i ma, “Kehe ma jolo ho mangaligi angkangmi sanga na horas do halahi dohot hambeng biri-birinta i betak na denggan do; jadi mulak ma ho tuson, paboa tu au sanga na bia do.” Jadi dipakehe ia ma si Josep manadingkon Rura Hebron. Nada sadia honok, lalu ma si Josep tu Sikem.

PAMUNGKAAN 50:1

Manungkap ma si Josep tu amangnia i jana tangis ma ia mangummai bohina i.

PAMUNGKAAN 50:10

Dung lalu halahi tu inganan pardegean na di Atat di Habincaran ni Batang aek Jordan, mangandungi ma halahi disi mangangguk godang. Dipatupa si Josep ma horja siluluton disi pitu ari honokna.

2 SAMUEL 1:12

Mangangguhi ma halahi, tangis jana marpuaso lopus borngin salaho tu si Saul dohot tu si Jonatan dohot di halak Israel, bangso ni Tuhan i, angke bahat sajo do antong na mate di parporangan i.

2 SAMUEL 1:17

Dung i diendehon si Daud ma andung-andung on hara ni si Saul dohot hara ni si Jonatan,

2 SAMUEL 2:11

jana di Hebron do si Daud mamarenta di Juda, pitu satonga taon honokna.

2 SAMUEL 5:3

Mambaen janji ma si Daud dohot sude hatobangon ni Israel i na ro mandapotkon ia, jana dimiahi halahi ma ia gabe raja ni Israel.

2 SAMUEL 5:5

Di Hebron pitu satonga taon honokna ia mamarenta Juda, jana di Jerusalem diparenta ia sudena Israel dohot Juda tolu pulu tolu taon honokna.

1 JUJUR TAON 6:57

Pomparan ni si Harun, Hebron ma bagianna gabe kota haporusan, Jatir dohot angka huta pagaran rap dohot angka padang-padangna: Huta Libna, Estemoa, Hilen, Debir, Asan, Bet-Semes.

2 JUJUR TAON 35:25

Dikarang Panurirang Jeremia ma sada ende andung di Raja Josia. Lopus tu sadari on dipake angka parende do ende i di Israel, halaklahi bope dadaboru di parningotan siluluton tu si Josia. Dipamasuk do ende i tu bagasan parpunguan ni angka ende andung.

NEHEMIA 11:25

Angkup ni sian horong Juda, adong do deba maringanan di kota pagaran dohot di ladang ni halahi na donok tu Kiryat-Arba dohot di pagaran na masuk tusi; di Kabseel dohot di pagaran na masuk tusi.

JEREMIA 22:10

Hamu halak Juda, ulang ma hamu marsak hara ni parmonding ni Raja Josia. Si Joahas anakna i ma tangisi hamu angke madung hona oban ia jana nada mulak be. Nada idaonna be tano hatubuanna.

JEREMIA 22:18

Hara ni i, taringot tu si Joyakim raja ni Juda anak ni si Josia, didok Tuhan songon on, “Nada tangisan ni halak hamamatenia, nada adong na mandok, ‘Iale, dongan iale.’ Nada adong na marhabot ni roha sanga na pio-pio, ‘Ibo roha mida raja i atehe!’

BILANGAN 13:22

Parjolo, kehe halahi tu Selatan ni luat i jana lalu ma di kota Hebron inganan ni halak Ahiman, Sisai dohot Talmai, pomparan ni sada bangso na marpamatang raksasa, i ma na nidok halak Enak. (Kota Hebron dipajongjong pitu taon andorang so kota Zoan di Mesir.)

BILANGAN 20:29

Dibege sude halak na bahat ma na dung mate si Harun, gabe ditangisi halahi ma ia, tolu pulu ari honokna.

JOHANNES 11:31

Diida halak Jahudi na marjuguhan na mangapoi si Maria di bagas i ma si Maria jongjong mopop tu ruar, gabe diihutkon halahi ma ia, harana diambang halahi na giot kehe tu kuburan do ia giot mangandungi disi.

JOHANNES 11:35

Dung i tangis ma Jesus.

BAENON NI ANGKA RASUL 8:2

Jadi ditanom halak na burju roha i ma bangke ni si Stefanus i, tangis ma halahi mangandungi ia.

PANGARATAION 34:8

Tolu pulu ari honokna bangso Israel marsiluluton di napa ni Moab hara ni hamamate ni si Musa.

JOSUA 10:39

Dibuat si Josua ma kota i dohot rajana maradu sude angka kota na asing na humaliang i. Hona bunu do sude jolma na disi. Songon na nibaen ni si Josua tu Hebron dohot Libna maradu rajana i, laing songon i do dibaen ia tu Debir dohot rajana i.

JOSUA 15:13

Hombar tu parenta ni Tuhan tu si Musa, dilehen ma deba luat ni Juda tu si Kaleb anak ni si Jefunne na sian Marga Juda. Dilehen disia Hebron, i ma kota ni si Arba, amang ni si Enak i.

JOSUA 20:7

Jadi ditontuhon halak Israel ma angka na mangihut on gabe kota haporusan: Kedes di partoran Naftali na di Galilea, Sikem di partoran Efraim; dohot Hebron di partoran Juda.

JOSUA 21:11

Dilehen do tu halahi Kiryat-Arba (ima Hebron-Arba i ma goar ni amang ni si Enak), na di tano pardolok-dolokan ni Juda, dohot tano panjampalan na humaliangna.

HAKIM-HAKIM 1:10

dohot di kota Hebron, i ma kota na nigoaran najolo Kiryat-Arba. Ditaluhon halak Juda ma disi si Sesai, Ahiman, dohot Talmai.

1 SAMUEL 20:31

Na so diboto ho dehe anggo salolot mangolu si Daud na so tarbaen ho gabe raja di luat on? Saonnari suruhon ma halak manjalahi dohot maroban ia tuson, harana angkon mate do ia!”

1 SAMUEL 25:1

Nada sadia honok nari marujung mangolu ni si Samuel. Marlagut ma sude Israel jana tumatangis. Dung i dikuburkon ma ia di bagasnia di Rama. Dung i kehe ma si Daud tu Parhorsihan Paran.

1 SAMUEL 28:3

Madung mate di hatiha i si Samuel jana diandungi sude Israel lalu ditanom di Rama, hutania sandiri. Laing di hatiha i muse, madung dipaorot si Saul sian Israel sude pangaramal dohot datu pamio ni sumangot.