PAMUNGKAAN 23:19 - BIBEL JAMITA NA DENGGAN

¹⁹ Dung i dikuburkon si Abraham ma si Sara dongan saripenia i di bagasan liang i di tano Kanaan.

PAMUNGKAAN 23:19 ပူးပေါင်းရင်းမြစ်များ

PAMUNGKAAN 23:18

Sude do halak Het na marlagut i disi mangoku tano i gabe nampuna ni si Abraham.

PAMUNGKAAN 23:20

Songon i ma pangalahona ladang ni halak Het sinangkin dohot liangna i gabe nampuna ni si Abraham gabe tano kuburan.

PAMUNGKAAN 3:19

Maradu loja noma ho markarejo jana hodohan laho pauli tano i anso marhasil, lopus mulak ho gabe tano angke na sian i do ho dijadihon, jana mangulahi muse ma ho gabe tano.”

PAMUNGKAAN 37:14

Ning amangnia i ma, “Kehe ma jolo ho mangaligi angkangmi sanga na horas do halahi dohot hambeng biri-birinta i betak na denggan do; jadi mulak ma ho tuson, paboa tu au sanga na bia do.” Jadi dipakehe ia ma si Josep manadingkon Rura Hebron. Nada sadia honok, lalu ma si Josep tu Sikem.

PAMUNGKAAN 47:30

Giotku, angkon di inganan ni angka daompung do au dikuburkon; oban hamu ma au sian Mesir on jana kuburkon hamu ma au di kuburan ni daompung i.” Jadi dialusi si Josep ma, “Hupatulus pe songon na nidok ni amang i.”

PAMUNGKAAN 50:13

Dioban halahi ma bangkena i tu Kanaan jana dikuburkon halahi di bagasan liang Makpela, di Habincaran ni Mamre, di ladang na nitobusan ni si Abraham sian si Efron halak Het i baen tano kuburan.

PAMUNGKAAN 50:25

Jadi disuru si Josep ma bangsonia i marsumpa ning ia ma, “Janjihon hamu ma tu au, muda dipimpin Debata hamu mulak tu luat i, angkon dohot do obanonmunu saring-saringku.”

JOB 30:23

Huboto do, na niboanMu au tu hamatean, inganan pangaluhutan ni sude na marhangoluan.

PARJAMITA 12:5

Mabiar ma ho tu inganan na gincat jana mardalan ho angkon jamot-jamot. Obukmu pe maruba jana saratonmu patmu muda mardalan. Gabe mago ma sude hagiot dohot por ni roha. Na parayak tu ingananta na parpudi noma hita, marsiluluton ma angka jolma jana mangandungi sapanjang dalan.

PARJAMITA 12:7

Mulak ma pamatangta, gabe abuan di tano. Mulak hosa hangoluanta tu Debata. Na nilehenNia do songon basa-basa.

PARJAMITA 6:3

Haru pe adong sada halak saratus anakna jana lolot ia mangolu jabat matobang situtu ia, tapi muda nada martua pangkilalaannia jana nada dikuburkon ia di pangalaho na sapatutna, jadi anggo mangihutkon pandapotku, dumengganan dope jambar ni dakdanak na sorang na torus mate umpado bayo i.