PAMUNGKAAN 23:18 - BIBEL JAMITA NA DENGGAN

¹⁸ Sude do halak Het na marlagut i disi mangoku tano i gabe nampuna ni si Abraham.

PAMUNGKAAN 23:18 ပူးပေါင်းရင်းမြစ်များ

PAMUNGKAAN 10:15

Angka anak ni si Kanaan, i ma si Sidon siangkaan dohot si Het, i ma ompu ni angka bangso na nigoaran mangihutkon goar ni halahi.

PAMUNGKAAN 23:10

Jadi laing dohot do si Efron rap dohot angka halak Het i juguk di inganan pangkataion na di horbangan ni kota i. Jadi sude ma halak na adong disi umbege alusnia,

PAMUNGKAAN 23:19

Dung i dikuburkon si Abraham ma si Sara dongan saripenia i di bagasan liang i di tano Kanaan.

PAMUNGKAAN 25:9

Dikuburkon si Ishak dohot si Ismael anaknia i ma ia di Liang Mahpela, di ladang na di Habincaran ni Mamre, i ma nampuna ni si Efron hian anak ni si Zohar halak Het i.

PAMUNGKAAN 34:20

Dung i kehe ma si Hemor dohot si Sikem tu inganan parrapotan di horbangan ni kota i, jana mandok hata ma halahi tu halak kota i songon on,

PAMUNGKAAN 34:24

Satuju do na sahuta i di pangidoan ni si Hemor dohot si Sikem i, gabe marsunat ma sude halaklahi na sakota i.

JEREMIA 32:12

jana hulehen ma surat na dua i tu si Barukh anak ni si Neria pahompu ni si Mahseya. Hupasahat di jolo ni si Hanameel do i dohot angka saksi na maneken surat-surat i dohot di jolo ni angka halak na topet marjuguhan di alaman i.

RUT 4:1

Jadi kehe ma si Boas tu inganan parsuo-suoan di pintu horbangan ni kota i. Dung juguk ia disi, mamolus ma bayo na nidok ni si Boas kahanggi ni si Elimelek na sumolkot. Jadi dipio si Boas ma ia, “Ro jolo tuson kahanggingku, juguk dison!” Ro ma bayo i lalu juguk.