PAMUNGKAAN 23:10 - BIBEL JAMITA NA DENGGAN

¹⁰ Jadi laing dohot do si Efron rap dohot angka halak Het i juguk di inganan pangkataion na di horbangan ni kota i. Jadi sude ma halak na adong disi umbege alusnia,

PAMUNGKAAN 23:10 ပူးပေါင်းရင်းမြစ်များ

PAMUNGKAAN 23:18

Sude do halak Het na marlagut i disi mangoku tano i gabe nampuna ni si Abraham.

PAMUNGKAAN 23:9

anso digadis ia tu au Liang Mahpela, i ma na di duru ni ladangnia i. Pangidohon hamu ma dison di adopanmunu, digadis ia tano i. Hugarari pe sude argana i, anso gabe au nampunasa baen tano kuburan.”

PAMUNGKAAN 24:10

Dibuat hatoban i ma sampulu unto ni tuanna i dohot angka barang-barang na mararga, jana kehe ma ia rap dohot piga-piga halak nari hatoban na asing manopot kota na niinganan ni si Nahor najolo, i ma na di sabola Utara ni Mesopotamia.

PAMUNGKAAN 34:20

Dung i kehe ma si Hemor dohot si Sikem tu inganan parrapotan di horbangan ni kota i, jana mandok hata ma halahi tu halak kota i songon on,

PAMUNGKAAN 34:24

Satuju do na sahuta i di pangidoan ni si Hemor dohot si Sikem i, gabe marsunat ma sude halaklahi na sakota i.

JOB 29:7

Muda rap juguk angka na tobang-tobang ni kota i, jana hubuat ma juguhanku di tonga-tonga ni halahi,

JESAYA 28:6

Lehenon ma roha hasintongan di angka panguhum dohot habaranion tu angka panjago ni harbangan ni kota i maradopkon musu na ro mamorangi.

MATEUS 9:1

Marparau ma Jesus laho manaripari dano i, giot mulak tu hutaNia.

RUT 4:11

Didok angka hatobangon dohot halak na deba nari i ma, “Olo, hami ma saksina. Sai dibaen Tuhan ma dadaborumi songon si Rahel dohot si Lea na manubuhon bahat anak di si Jakob. Sai gabe mamora ho nian di tonga-tonga ni angka halak na sian horong ni Marga Efrata jana gabe tarbonggal ho di Betlehem on.