PAMUNGKAAN 22:20 - BIBEL JAMITA NA DENGGAN

²⁰ Adong do angkang ni si Abraham na margoar si Nahor. Dung adong sadia honok tarbege ma tu si Abraham na dung adong tubu ni si Milka dadaboru ni si Nahor i salapan anak halaklahi, i ma:

PAMUNGKAAN 22:20 ပူးပေါင်းရင်းမြစ်များ

PAMUNGKAAN 11:26

Dung marumur si Terah 70 taon, adong ma anaknia tolu halak i ma si Abram, si Nahor dohot si Haran.

PAMUNGKAAN 11:27

On ma pomparan ni si Terah: Si Terah ma amang ni si Abram, si Nahor dohot si Haran. Adong ma anak ni si Haran si Lot goarna.

PAMUNGKAAN 11:29

Dialap si Abram ma si Sarai gabe dongan saripena, jana si Nahor mambuat si Milka boru ni si Haran. Adong dope angka dakdanak ni si Haran na asing na margoar si Jiska.

PAMUNGKAAN 15:1

Dung i dijagit si Abram ma sada halumbaan, jana dibege ia ma Tuhan mandok tusia, “Ulang ho mabiar Abram, Au do mangondingi ho sian parmaraan, jana lehenonKu ma tu ho upa bahat.”

PAMUNGKAAN 22:21

Si Us siangkaan, si Bus ma na nitadohonna, si Kemuel i ma muse na gabe amang ni si Aram.

PAMUNGKAAN 24:10

Dibuat hatoban i ma sampulu unto ni tuanna i dohot angka barang-barang na mararga, jana kehe ma ia rap dohot piga-piga halak nari hatoban na asing manopot kota na niinganan ni si Nahor najolo, i ma na di sabola Utara ni Mesopotamia.

PAMUNGKAAN 24:15

Nada salose dope ia na martangiang i, ma lalu si Ribka, sada anak boru na lobi jeges boti bujing-bujing dope, di sumur i. Dioban ia garigitnia di abarania i. (Boru ni si Betuel do i, jana si Betuel on, i ma anak ni si Nahor na nitubuhon ni si Milka dadaborunia i. Si Nahor i ma angkang ni si Abraham.) Didapotkon si Ribka ma sumur i, muhat ma ia, lalu mardalan ia mangulahi.

PAMUNGKAAN 24:24

“Si Betuel do goar ni amanta, i ma anak ni si Nahor dohot si Milka,” ning anak boru i mangalusi.

PAMUNGKAAN 31:53

Debata na nisomba ni si Abraham jana na nisomba ni damang si Nahor ma na gabe panguhum di hita.” Dung i marjanji muse ma si Jakob mangasahon goar ni Debata na nisomba ni si Ishak amangnia i jana marsumpa ma ia paboa na marsitutu do ia maniop janji i.

PODA 25:25

Manjagit barita na denggan sian luat na dao tudos do i dohot manguas minum aek na borgo.