PAMUNGKAAN 22:17 - BIBEL JAMITA NA DENGGAN

¹⁷ Marjanji ma Au, paboa baenonKu ma pomparanmu sabahat ni bintang na di langit sanga sabahat ni horsik na di topi ni laut. Taluhonon ni angka pomparannia ma angka musu ni halahi.

PAMUNGKAAN 22:17 ပူးပေါင်းရင်းမြစ်များ

PAMUNGKAAN 12:2

Hulehen pe bahat di ho pomparanmu jana gabe bangso na godang ma halahi. Hupasupasu pe ho jana tarbonggal pe goarmu Hubaen, lopus gabe pasupasu ho di halak na bahat.

PAMUNGKAAN 13:16

LehenonKu ma di ho bahat pomparanmu, jabat nada adong sahalak pe na tarbaen mangetongsa. Songon abu na di tano i, na so adong halak na sanggup mangetongsa, laing songon i ma pomparanmu nada taretong sanga ise.

PAMUNGKAAN 15:5

Dioban Ia ma si Abram tu ruar jana didok Ia ma tusia, “Tatap ma tu langit, jana etongi ma jolo angka bintang i: Songon i ma bahat ni pomparanmu sogot.”

PAMUNGKAAN 17:6

BaenonKu ma bahat pomparanmu, jana deba sian halahi gabe angka raja. Songon i ma bahat ni pomparanmu, lopus gabe bangso na bahat halahi.

PAMUNGKAAN 25:11

Dung jumolo si Abraham, dipasupasu Debata ma si Ishak anak ni si Abraham i, na maringanan hatiha i di lambung ni sumur na margoar, “Na Mamparrohahon Au”.

PAMUNGKAAN 26:24

Jadi borngin i dipataridahon Debata ma diriNa tusia mandok, “Au ma da Debata ni amangmu si Abraham. Ulang ho mabiar. Au do mandongani ho. PasupasuonKu ma ho jana lehenonKu ma tu ho bahat pomparanmu hara ni janjingKu tu naposongKu si Abraham.”

PAMUNGKAAN 26:4

LehenonKu do hagabean anso maranak marpahompu ho sabahat ni bintang na di langit jana lehenonKu do sude luat on tu halahi. Pangidohonon ni bangso na satano on ma sudena tu Au anso Hupasupasu halahi songon pamasumasungKu di pomparanmu.

PAMUNGKAAN 28:3

Sai dipasupasu Debata Na Gumogo i ma parsaripeonmunu jana dilehen ma di ho hagabean maranak marpahompu ho anso gabe ompu ni bahat bangso ho!

PAMUNGKAAN 28:4

Sai dipasupasu Tuhan ma ho dohot pomparanmu songon pamasumasu ni Tuhan di si Abraham jana sai ho ma nampuna tano na niingananmon, tano na dung dipahot ni Debata tu si Abraham!”

PAMUNGKAAN 32:12

Ingot ma na dung marjanji Ho, paboa na aturonMu do sude denggan di au jana lehenonMu tu au bahat pomparan. Sahalak pe nada tarbaen mangetongsa hara ni bahatna songon horsik na di topi ni laut.”

PAMUNGKAAN 32:13

Dung marborngin disi, dibuat si Jakob ma deba sian angka pahan-pahanannia i silehenonnia silua tu si Esau angkangnia i. Angka on ma siluania i: Dua ratus hambeng boru-boru, dua pulu hambeng jantan, dua ratus biri-biri boru-boru, dua pulu biri-biri jantan, tolu pulu unto panusuan dohot angka anakna, opat pulu lombu boru-boru sampulu lombu jantan, dohot dua pulu halode boru-boru dohot sampulu halode jantan.

2 SAMUEL 17:11

Jadi anggo au mandok songon on do: Palagut ma sude halak Israel sian Dan lalu tu Berseba, lopus songon horsik na di topi ni laut bahatna. Jadi daulat i sandiri ma mamimpin halahi marporang.

1 RAJA-RAJA 4:20

Songon bahat ni horsik na di topi ni laut do bahat ni rayat ni Juda dohot Israel. Sonang do ngolu ni halahi, jana marlobi-lobi sipanganon dohot siinumon.

1 RAJA-RAJA 9:26

Di angkatan lautnia, dipauli Raja Salomo do angka kapal di Esion-Geber na di lambung ni Elot di topi ni Laut Rara na di Luat Edom.

1 JUJUR TAON 27:23

Nada dipadalan Raja Daud sensus anggo tu halak na marumur di toru ni dua pulu taon, harana madung dijanjihon Tuhan na giot baenonNia halak Israel sabahat ni bintang na di langit i.

2 JUJUR TAON 1:9

Saonnari, ale Tuhan Debata, sai patulus ma baga-bagaMu tu damang i. Madung diangkat Ho au gabe raja di ginjang ni bangso na godang na so taretong be bahatna.

NEHEMIA 9:23

Dijadihon Ho do pomparan ni halahi, sabahat ni angka bintang na di langit i. Dilehen Ho do tano di halahi baen siingananna, tano na nijanjihonMu tu angka ompuna.

HARURUAR 32:13

Ingot ma si Abraham, si Ishak dohot si Israel naposoMi, angke madung marsumpa hian do Ho tu halahi mangasahon diriMu sandiri di na nidokMu tu halahi: BaenonKu ma pomparanMu sabahat ni bintang na di langit, jana sude tano na dung Hujanjihon on lehenonKu ma i tu pomparanmu, anso gabe halahi nampunasa salolot-lolotna.”

JESAYA 48:19

Angke pomparanmu angkon songon horsik, jana turunanmu songon horsik bahatna; goar ni halahi nada diagohon sanga diparsoada sian jolongKu.”

JEREMIA 32:22

Dilehen Ho tano na denggan jana na napu on tu halahi songon na nijanjihonMu tu ompu ni halahi.

JEREMIA 33:22

PabahatonKu ma pomparan ni naposongKu si Daud dohot angka malim sian Marga Levi lopus gabe sabahat ni horsik na di topi ni laut dohot sabahat ni bintang na di langit na so taretong bilanganna bahat ni halahi.”

HOSEA 1:10

Gabe sabahat ni horsik na di topi ni laut bahat ni bangso Israel lopus nada habilangan. Saonnari didok Debata ma tu halahi, “Nada bangsongKu hamu,” tapi dapot do i hatihana dohononNia tu halahi, “Au ma da Debata na mangolu jana hamu angka dakdanakKu!”

HOSEA 2:1

Dokkon ma tu donganmu halaklahi, “Ami!” jana tu donganmu dadaboru, “Ruhama!”

MIKA 1:9

Nada tarpamalum be gasa ni Samaria, jana laing hona muse ma pangalaho na sarupa tu Juda. Ma pola lalu parmaraan godang tu pintu horbangan ni Jerusalem, inganan ni bangsongku.”

SURAT NI SI PAULUS TU PARLAGUTAN ROM 4:13

Dijanjihon Debata do tu si Abraham dohot tu pomparannia, gabe nampuna ni si Abraham ma tano on. Marjanji pe Debata songon i, nada hara ni si Abraham na mangoloi Tona i, tapi hara ni na porsaya do ia gabe dijagit ma ia songon halak na tigor.

SURAT NI SI PAULUS TU PARLAGUTAN ROM 9:27

Torang do didok Panurirang Jesaya taringot tu halak Israel, “Haru pe sabahat ni horsik na di topi ni laut bilangan ni bangso Israel, hum saotik do i sipaluaon;

1 KORINTUS 15:57

Tapi tarimakasi ma di Debata, dilehen Ia do antong hamonangan di hita markite-hite Jesus Kristus Tuhanta i!

EPESUS 1:3

Pinuji ma Debata, Ama ni Tuhanta Jesus Kristus! Dipasupasu Ia do hita dohot sude ragam-ragam ni pasupasu partondion sian banua ginjang, hara ni na dung mardomu i hita dohot Kristus.

PANGARATAION 1:10

madung martamba bahatmunu dibaen Tuhan Debatamunu sabahat ni bintang na di langit.

PANGARATAION 1:11

Sai mur ditambai Tuhan Debata ni ompumunu ma nian bahatmunu lalu tu saribu lompit jana dipasupasu ma hamu songon na nijanjihonNa i!

PANGARATAION 10:22

Di na kehe ompumunu tu Mesir, hum pitu pulu halak do bahat ni halahi. Hape dibaen Tuhan Debatamunu do bahat ni bilangan ni halahi sabahat ni angka bintang na di langit i.”

PANGARATAION 13:17

Nada tola simpanonmunu di hamu anggo barang na hona bura, tapi angkon roncohononmunu do i. Jadi gabe mombun ma rimas ni Tuhan jana patuduhononNia ma ibo ni rohaNia tu hamu. Basa ma rohaNia tu hamu jana baenonNia ma hamu gabe bangso na godang, songon na nijanjihonNia tu ompumunu,

PANGARATAION 13:18

asalkon ma dioloi hamu sude parentaNia na hulehen tu hamu di ari sadari on, jana dipatulus hamu sandok hagiotNia.”

PANGARATAION 21:19

Jadi angkon paadopon ni simatobangna i do anakna i tu jolo ni angka hatobangon ni kota inganan ni halahi i, jana pangidoonna ma anso diadili dakdanakna i di harbangan ni kota i.

IBRANI 11:12

Haru pe di hatiha i songon na so adong be idaon same na mangolu sian si Abraham, hape hum sian ia sandiri sajo do martubuan bahat pomparannia, na so taretong bahatna – songon bahat ni bintang na di langit dohot horsik na di topi ni laut.

IBRANI 6:14

Didok Ia, “Sasintongna, pasupasuonKu ma ho jana baenonKu ma bahat pomparanmu.”

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”