PAMUNGKAAN 22:13 - BIBEL JAMITA NA DENGGAN

¹³ Jadi mangaranap ma si Abraham humaliang jana diida ia ma sada biri-biri jantan na sangkot tandukna di ramba-ramba i. Dibuat si Abraham ma biri-biri i bulus dilehen ia ma i tu Tuhan songon somba-sombania gabe haul na nitutung panggonti ni anaknia i.

PAMUNGKAAN 22:13 ပူးပေါင်းရင်းမြစ်များ

PAMUNGKAAN 22:12

“Ulang palalu tanganmu tu dakdanak i sanga dihahua ho ia,” ninna surusuruan i. “Saonnari madung huboto sangapmu dohot pangoloimu tu Debata, angke nada manjua ho pasahat anakmu sisada-sada i tu Debata.”

PAMUNGKAAN 22:14

Dibaen si Abraham ma goar ni inganan i, “Tuhan do paradehon”. Jana lopus saonnari laing didokkon halak do, “Tuhan do paradehon di dolokNia”.

PAMUNGKAAN 22:8

Dialusi si Abraham ma, “Debata sandiri do pasingkopkon anak ni biri-biri i.” Jadi didatdati halahi ma na mardalan i.

JESAYA 30:21

Muda manyimbil hamu sian dalan, tarbege do i sian pudimunu soraNia na mandok, “On do dalan i; dalan on ma bolus hamu.”

1 KORINTUS 10:13

Sanga aha pe cobaan na nibolusmunu, cobaan na somal dialami jolma dope i. Tapi anggo Debata burju do marningot janjiNa. Nada pola dipadiar Ia hamu dicoba lobi sian na tolap gogomunu. Muda hatiha ro cobaan tu hamu, lehenonNia do dalan di hamu anso tahan hamu manaon cobaan i.